भांगरभूंय | प्रतिनिधी
भांगरभूंय । प्रतिनिधी
म्हापशेंः म्हापशें नवीन बसस्टॅण्डार संडासाच्या जनेलाचेर व्हडा प्रमाणांत वापरिल्ल्या इंजेक्शन सिरींग्या वडयल्ली मेळ्ळयांत. ताका लागून घुंवळी वखदां घेवपी लोक आपले कुडींत ती तोपून घेवपा खातीर इंजेक्शन सिरींग्ज वापरताक आनी उडयतात अशें स्पश्ट जालां.
संडासांत बिअराच्या रिकाम्यो बाटल्योय मेळिल्ल्यान खबदळ जाला. दादल्यां खातीरच्या भौशीक संडासाच्या जनेलाचेर आनी हेर कडेन पन्नासां परस चड सिरिंग्ज वडयल्यांत. बसस्टॅण्डार सुरक्षा रक्षक आसतात. रातयां गेट बंद आसता. तेन्ना घुंवळी वखदाचे वेसनी लोक संडासात येवन घुवळी वखदां कुडीत तोपून घेतात ह्या दुबावाक घटाय मेळ्ल्या.
नवो बसस्टॅण्ड समाज कटंकाचो अड्डो जावपाक लागला अशें समाज वावुरपी शेखर नायक हांणी सांगलें. बसस्टॅण्डार रातयां सुरक्षा रक्षक दवोरचो आनी गुन्यांवकारी प्रकारांचो तो अड्डो जावचो पयलीं म्हापशें पालिका मंडल तशेंच सरकारान फावो ती उपाय येवजण करपाची मागणी नायक हांणी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
