भांगरभूंय | प्रतिनिधी
भांगरभूंय I प्रतिनिधी
पणजी : म्हादय न्हंयेच्या संरक्षणा खातीर लोकचळवळ उबारप गरजेचें. सांखळी नगरपालिका मैदानाचेर 16 वेर सांजे 4 वरांचेर जाहीर सभेचे आयोजन केलां. हे सभेंत राजकी पक्ष, बिगर सरकारी संस्था, पर्यावरण मोगी, सामाजीक कार्यकर्ते वांटेकार जातले, अशी म्हायती ‘सेव्ह म्हादय सेव्ह गोवा फ्रंट’ संघटणेचे समन्वयक अॅड. हृदयनाथ शिरोडकार हांणी पणजे घेतिल्ले पत्रकार परिशदेंत दिली. ह्या वेळार काँग्रेस, आप, गोवा फॉरवर्ड, तृणमूल काँग्रेस ह्या राजकी पक्षांचे फुडारी आनी सामाजीक कार्यकर्ते हाजीर आशिल्ले.
सांखळी जावपी सभेंत गोंयांतल्या सगल्या चाळीसूय आमदारांनी वांटेकार जावचे. मुख्यमंत्र्यांनीय हे सभेक हाजीर रावन आमकां तेंको दिवचो. ही चववळ राजकी नासून लोकांची आसा. म्हादयच्या संरक्षणा खातीर सगल्यांनी एकठांय येवप गरजेचें. हे सभेंतल्यान आमचो आवाज राज्य आनी केंद्र सरकारा मेरेन पावपाक जाय. म्हादयचेर मोग आसपी लोकांनी व्हड संख्येन सभेक हाजीर रावचे, अशें आवाहन अॅड. हृदयनाथ शिरोडकार हांणी केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
