भांगरभूंय | प्रतिनिधी
म्हादय प्रकरणांत कर्नाटका आड 5 याचिका
पणजी, प्रतिनिधी : म्हादय विशीं गोंय सरकार खूब गंभीर आसा. खटल्याचे सुनावणेची तयारी नेटान सुरू आसा, अशे मुख्यमंत्री डॉ. प्रमोद सावंत हांणी सांगलें. कर्नाटका आड म्हादय प्रकरणी गोंयच्यो 5 याचिका आसात. ह्या सगळ्या याचिकांचेर एकठांय सुनावणी जावप शक्य आसा, अशें मुख्यमंत्र्यान सांगले.
गोंय सरकारान म्हादय लवादाच्या निर्णयाक आव्हान दिलां. कर्नाटक वायल्ड लायफ वॉर्डन आड याचिका आसा. सर्वोच्च न्यायालयांत 29 नोव्हेंबराक सुनावणी जातली. अॅडव्होकेट जनरल देविदास पांगम पुराय वकिलांच्या पंगडा कडेन संपर्क साधून आसा.
म्हादयच्या सुनावणे खातीर वकिलांचो पंगड फाल्यां दिल्लीत वतलो, अशी म्हायती पांगम हांणी दिली. म्हादय प्रस्नाचेर गोंय सरकार गंभीर ना. हाका लागून सभाघर समितीची बसका जावंक ना, असो आरोप आमदार विजय सरदेसाय हांणी केल्लो. सरकार म्हादय प्रस्नाचेर गंभीर आसा, अशे मुख्यमंत्री सावंत हांणी स्पश्ट केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
