भांगरभूंय | प्रतिनिधी
भांगरभूंय । प्रतिनिधी
वाळपयः मोर्लें सत्तरी हांगच्या मराठी सांस्कृतीक केंद्रा वतीन मोर्ले धरणग्रस्त वसाहतींतल्या सरकारी प्राथमीक शाळेंतल्या शिक्षकांचो भोवमान केलो. शाळेंत फाटल्या 22 वर्सां सावन शिकोवपी विजया केसरकार, केजींत 20 वर्सां सावन शिकोवपी श्रीमती गांवस कोपार्डेकार, दरेकी 14 आनी 12 वर्सां सावन शिकोवपी लता फढते आनी विजयालक्ष्मी महाले हांचो मानेस्ताचें हस्तुकी भोवमान केलो.
विद्यार्थी नाशिल्ल्यान प्राथमीक शाळा सरकाराक बंद करच्यो पडटात. मार्लेंचे प्राथमीक शाळेत सध्या 70 विद्यार्थी शिकतात. शाळेतलो शिक्षक वर्ग बरें काम करून पटसंख्या वोडपाचो यत्न करतात देखून ते खातीर मराठी सांस्कृतीक केंदान तांचो हो भोवमान घडोवन हाडलो.
ह्या वेळार आयोजीत केल्ला कविता सादरीकरण सर्तींत 40 विद्यार्थ्यांनी वांटो घेतलो. दीप्ती गांवस जिविका गावडे आनी जिविका गांवस हांकां पयली तीन इनामां फावो जालीं. अनीश गांवसस, सनिधी गांवस आनी मिमिशा गांवकार हांकां उमेद वाडोवपी इनामां फावो जालीं.
कार्यावळीचें उक्तावण साखळेच्या गोवा इन्टिट्यूट ऑफ मेनेजमेंटाचो प्रा. विठ्ठल सुखठणकार हाचें हस्तुकीं जालें. कार्यावळीची येजमानकी गोवा मराठी अकादमीचो वांगडी आनी सत्तरी तालुको संयोजक आनंद मयेकार, गोवा इन्स्टिट्यूट ऑफ मॅनेजमेंट कॉलेजचे सहाय्यक ग्रंथपाल राघोबा लवू पेडणेकार, मोर्लें सांस्कृतीक केंद्राचो अध्यक्ष रामकृष्ण गांवस, पालक- शिक्षक संघाचो अध्यक्ष पांडुरंग रावणकार, मुख्याध्यापिका विजया केसरकार ह्या वेळार हाजीर आशिल्ली. सूत्रसंचालन भिकाजी गांवकार हांणी केले विजय लक्ष्मी महाले हिणे कविता सर्तीचें सूत्रसंचालन केलें. निमाणे संस्थेचो अध्यक्ष रामकृष्ण गांवस हांणी उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
