भांगरभूंय | प्रतिनिधी
मोपा विमानतळाचेर सभाघरांत चर्चा
पणजी : मोपा विमानतळा खातीर जांणी जमीन गेल्या तातूंतल्या 40 टक्के लोकांंक अजून लुकसाण भरपाय मेळूंक ना. कागदपत्रांं मदलीं तफावत तशेंच न्यायालयीन खटल्यांंक लागून लुकसाण भरपाय दिवप अजून शक्य जावंंक ना, अशें मुख्यमंंत्री डॉ. प्रमोद सावंंत हांंणी सांंगलें. बेगिनांत बेगीन खटले निकालांत काडून लुकसाण भरपाय दिवपा खातीर जलद कृती न्यायालय स्थापन जालांं, अशें मुख्यमंंत्र्यान सांंगलें.
आमदार आलेक्स रेजिनाल्ड हांंणी विचारिल्ल्या मनोहर आंतरराष्ट्रीय विमानतळाच्या प्रस्नाचेर सभाघरांत बरोच वेळ चर्चा जाली.
मोपा विमानतळा खातीर जमीन संंपादीत करपाची प्रक्रिया 2008त सुरू जाली. विमानतळा खातीर पांवड्या पांवड्यान जमनीचे संंपादन जालें. विमानतळा खातीर 81 लाख चौखण मिटर जागो संंपादीत केला. आतां मेरेन 60 कोटी रुपयांंची लुकसाण भरपाय सरकारान दिल्या. जमीन संंपादीत केल्ली तेन्ना जो दर आशिल्लो ताचे तीन पटीन लुकसाण भरपाय दिवपाचो निर्णय सरकारान घेतला. हाका लागून 40 रुपया चौखण मिटर जांचो दर आशिल्लो तांकां 120 रूपया चौखण मिटर दरान लुकसाण भरपाय मेळटली. जांकां 80 रुपया चौकण मिटर दर निश्चीत जाल्लो तांंकां 240 रुपया चौखण मिटरा प्रमाण लुकसाण भरपाय मेळटली, अशें मुख्यमंंत्र्यान सांगलें.
मोपा विमानतळा खातीर जांच्यो जमनी गेल्यात, तांकां बेगिनांत बेगीन लुकसाण भरपाय दिवप ही सरकाराची जापसालदारी. ही जापसालदारी सरकारान बेगिनांत बेगीन पुराय करपाक जाय, अशी मागणी आमदार आलेक्स रेजिनाल्ड हांंणी केली
नोकरी मेळिल्ल्या 2,263 लोकां मदीं 1301 पेडणेंकार
मोपा विमानतळाचेर आतां मेरेन 2,263 जाणांक नोकर्यो मेळ्ळ्यात. हांंतूंत 1,301 नांवां पेडणेंच्या लोकांंची आसात, अशी म्हायती मुख्यमंंत्री डॉ. प्रमोद सावंंत हांंणी दिली. सरकारान एविएशन सेंटर सुरू केला. एविएशन सेंटरांत प्रशिक्षण दिवपाचो उपक्रम सुरू आसा. पेडणेकारांंचेर नोकर्यांंत अन्याय जाला. पेडणेंकारांंक कंंत्राटी नोकर्यो मेळ्ळ्यात. नोकर्यांंचे वांंटप चुकीचे पद्दतीन जालांं, असो आरोप आमदार प्रवीण आर्लेकार हांंणी केलो.
सरकाराक 37.5 टक्के येणावळ
आनीक दोन वर्सांंनी मोपा विमानतळाची 37.5 टक्के येणावळ सरकाराक येतली. कबलाती प्रमाण ही येणावळ येतली, अशें मुख्यमंंत्र्यान सांंगलें. आमदार विजय सरदेसाय हांंणी हो मुद्दो उपस्थीत केल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
