भांगरभूंय | प्रतिनिधी
भांगरभूंय । प्रतिनिधी
पणजीः परफ्यूम तज्ज्ञ मोनिका घुर्डेचो 2016 वर्सा खून करपी राजकुमार ऊर्फ राजेश सिंग हांची मानसीक भलायकी परत इबाडल्ल्यान ताका सध्या बांबोळेच्या मानसोपचार हॉसिपटलांत दाखल केलां.. ह्या खून प्रकरणाची सुनावणी 29 नोव्हेंबराक पणजेच्या उत्तर गोंय जिल्हो आनी सत्र न्यायालायंत जावपाची आसा.
सांगोल्डेंच्या राज व्हिला अपार्टमेंटांत 7 ऑक्टोबर 2016 दिसा थंय सुरक्षा रक्षक म्हणून काम करपी राजेश सिंगान मोनिकाचेर आशिल्ल्या रागांतल्यान तिचेर बलात्कार करून तिका मारून उडयल्लें. बंगळुरू पुलिसांचे मजतीन साळगांव स्टेशनांतल्या पुलिसांनी 10 ऑक्टोबराक ताका अटक केल्ली.
जिल्हो आनी सत्र न्यायालयांत खून प्रकरणाची सुनावणी सुरू आसतना 2021 वर्सा राजेश सिंगाची मानसीक भलायकी बरी नाशिल्ल्यान ताची तपासणी करून न्यायालयाक अहवाल सादर करपा खातीर समिती नेमिल्ली. तो बरो आशिल्ल्याचो अहवाल मेळटगीर न्यायालयान 13 ऑक्टोबर 2022 सावन साक्षिदाराचें उलट तपासणेक सुरवात केल्ली. आतां राजेश सिंगाची मानसीक स्थिती सारकी नाशिल्ल्याचें सामकार आयिल्ल्यान ताचेर मानसोपचार हॉस्पिटलांत सध्या उपचार सुरू आसात
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
