भांगरभूंय | प्रतिनिधी
हरवळे पंचायतीच्या वावराची केली तोखणाय
दिवचल, प्रतिनिधी ः सरकार कडल्यान मेळिल्लो निधी गटारांत घालपाचो विचार करचे परस गांवांत नवीन उदरगत प्रकल्प हाडपाच्या नदरेन विचार करात अशें मुख्यमंत्री डॉ. प्रमोद सावंत हांणी राज्यांतल्या सगल्यां पंचायतींक सांगलें.
‘कोयर वेवस्थापन शेड’ आनी ‘गांवठी बाजार शेड’ हरवळें पंचायतीन स्थापन केला. ह्या वेळार जिल्ला पंचायत वांगडी गोपाळ सुर्लकार, साखळेंची नगराध्यक्ष रश्मी देसाय, हरवळेंचे सरपंच अंकुश मळीक, लुपिन फावंडेशन अधिकारी श्रीनिवास राव कलाकुंटला, उपसरपंच ममता दिवकार, बीडीओ ओंकार मांद्रेकार, स्वयंपूर्ण मित्र सतीश वागोणकार, पंचायत वांगडी संजय नायक, राजीव मळीक आनी नंदिनी गावस हाजीर आशिल्ले. ह्या कार्यावळींत स्वयंपूर्ण संकल्पने खाला आत्मनिर्भर जाल्ल्या गांवच्या वेवसायिकांचे मुख्यमंत्र्याच्या हस्तुकीं भोवमान केले.
ह्या वेळार उलयतना मुख्यमंत्र्यान हरवळे पंचायतीच्या वावराची केली तोखणाय. हरवळे पंचायत ही गोंयांतली सगळ्यांत ल्हान पंचायत मानतात. कोयर वेवस्थापनांत हे पंचायतीचो वावर पुराय राज्या खातीर आदर्श थारता. राज्यांतल्या हेर पंचायतींनीय हे कामगिरीची दखल घेवन ही संकल्पना आपापल्या वाठारांनी चालीक लावची. अशें मुख्यमंत्री डॉ. सावंत हांणी ह्या वेळार उलतना म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
