भांगरभूंय | प्रतिनिधी
भांगरभूंय । प्रतिनिधी
पोरणे गोंयः मेरशी पंचायत वाठारांतल्या मोरांबी-ओ- पिकेनो खाजन शेतांतल व्हडा प्रमाणांत बेकायदेशीर बांदकामां चल्ल्यांत. ताका लागून पर्यावणाचें जातां लें लुकसाण पळोवन मेरशी पंचायत मंडळान बांदकाम करतल्यांक नोटिसो धाडून ती बेगोबेग बंद कपाक सांगल्यांत. मोरांबी ओ पिकेनो कोमुनिदादीन बांदकामां आड पंचायत मंडळा कडेन कागाळ केल्ली. नोटिसो कोमुनिदाद तशेंच, जमीन बळकावन बांदकामां करतल्यांक धाडल्यात.
या खाजन वाठारांत अब्दुल्ला नावांचे व्यक्तीन बांदकामा चलयल्यांत. मेरशी पंचायत मंडळाक हे खबर आसून लेगीत नोटिशींत तांच्या नांवाचो उल्लेख करनास्तान ऑनर-ऑक्युपायर असो केला. सरपंच एसीस फर्नांडीस हाका हे विशीं विचारलें तेन्ना जमनीचो धनी कोण हें आमकां खबर ना अशे तांणे सांगलें. पंचायत मंडळान 28 डिसेंबराक खाजन शेत जमनीची पळोवणी करपाचें थारायलां. त्या वेळार बांदकाम करपाक आशिल्ले परवाने व जमनीचो मालकी हक्का विशींची कागदपत्रां वांगडा ऑनर आनी ऑक्युपारांक हाजीर रावपाक पंचायत मंडळान सांगलां. कोणूच हाजीर रावलो ना जाल्यार पंचायत मंडळ केल्लीं बांदकामां मोडून उडयतलें अशें सरपंच फर्नांडीस हाणे सांगलें.
खाजन जमनीत आशिल्लो कांवलां अड्डो आनी कोयर घालून शेत जमीन पुरावपाचें जें काम चल्लां ताचे आड पंचायत मंडळ कारवाय करतले कीं काय, अशें विचारलें तेन्ना मालमत्ता कोणाची हें कळटगीर फुडली कारवाय करतले अशें तांणे सांगलें. मेरशे पंचायत वाठारांतलो कोयर एकठांय करपाचें कंत्राट घेतिल्लो जॉन नांवाचो कंत्राटदार कोयरा वरवीं शेत जमीन पुरोवपाचें काम करता अशें तागेले कामगार सांगतात अशे सांगले उपरांत जमीन कोणाची तें पयलीं कळपाक जाय, अशे ताणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
