भांगरभूंय | प्रतिनिधी
पणजी ः नागवा- वेर्णेंच्या शाळेतल्या शौचालयांत 10 वर्सां पिरायेचो विद्यार्थी बेसुद्ध सांपडलो. उपरांत ताका रोखडोच जीएमसींत व्हेलो, पूण उपचारा वेळार ताका मरण आयलें.
मेळिल्ले म्हायती प्रमाण, ही घडणूक 8 मार्चाक घडिल्ली. ती उजवाडाक आयले बरोबर शाळेच्या कर्मचाऱ्यांनी ताका रोखडोच मडगांवच्या हॉस्पिटलांत व्हेलो. उपरांत फुडल्या उपचारा खातीर ताका जीएमसींत व्हेलो. पूण थंय उपचारा वेळार ताका मरण आयलें. उपरांत कुडीचो पोस्टमॉर्टम करून कुड कुटुंबाच्या ताब्यांत दिली.
मजगतीं, मेंदवाच्या इंट्रापॅरेन्कायमल भागांतल्यान रगत व्हांवून सेरेब्रोव्हस्कुलर आघात जाल्ल्यान ताका मरण आयिल्ल्याचें पोस्टमॉर्टम अहवालांतल्यान स्पश्ट जालां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
