भांगरभूंय | प्रतिनिधी
मॅच फिक्सिंग प्रकरणांत श्रीलंका पंगडाचो आदलो खेळगडो सचित्रा सेनानायकेक काल अटक केली. लंका प्रिमीयर लिगेच्या (एलपीएल) 2020तल्या हंगामांत मॅच फिक्स करपाचो यत्न केल्ल्याचो ताचेर आरोप आसा.
तीन सप्तकां पयलीं कोलंबोच्या चीफ मॅजिस्ट्रेट न्यायालयान सचित्रा सेनानायकेक विदेशांत वचपाक बंदी घाल्ली. तशेंच अॅटर्नी जनरल विभागाक खेळां मंत्रालयाच्या विशेश तपास युनिटान ताचे वयले आरोप निश्चीत करपाचे निर्देश दिल्ले.
सेनानायकेचेर 2020च्या एलपीएलांत मॅच फिक्सिंग केल्ल्याचो आरोप आसात. ताणें दोन क्रिकेट खेळगड्यांक मॅच फिक्स करपा खातीर ऑफर दिल्ली. 38 वर्सां पिरायेचो सेनानायके 2012 ते 2016 ह्या काळांत श्रीलंके वतीन एक टॅस्ट, 49 वन डे आनी 24 टी-20 मॅची खेळ्ळा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
