भांगरभूंय | प्रतिनिधी
पणजे म्हापालिका बिल्डिंगेचे कितें? म्हापालिका इमारतीचे नवनिर्मणेची येवजण आदले महापौर नगरसेवक सुरेंद्रबाब फुर्तादो, उदयबाब मडकयकार हांणी जल्माक घाल्ली. तीच आतांचे महापौर रोहित मोन्सेरात फुडें व्हरत?
पवित्र हो मंगळार, पवित्र हो मंगळार आवाज ही पणजे बालभवनाचे शिक्षक गुरुदासबाब शिरगांवकार हांची संस्कृती. थंय आतां बाॅलीवूडाची हीप हॅाप नाच संस्कृतायेचीं पावलां वाजतलीं, अशो पाट्यो झळकतात. परेड ग्रावंडा मुखावेल्या कांपाल बालभवनार (बालभवन मुखेल केंद्र) लागल्या तशीच पाटी एमएसएमई प्रायोजक बी आसात कांय, असोय दुबाव येता. बालभवनाच्या भायर आतां भेळपुरी, पाणीपुरी, शेव- बटाटापुरी ही गाडे संस्कृतीय आयल्या. गाडी व्हरपाक वाट ना. मिरामारा मात्शें नवनिर्मणेचे वारें येतना परेड ग्रावंडाक काळ्यां विटांचें दुरीग घालपाचो वावरय नेटार फुडें वता. खंयच्यो त्यो काळ्यो विटो? मीनाच्या मातयेच्यो काय कोयराच्यो? सांगत व्हय कोणी? बालभवनाच्या लागसार टाटा अलायन्सचें स्टारबक्स कॅफे सुरू जालां, सकाळ- सांजवेळा घे गर्दी. कितेंय जांव, कशेंय जांव पणजी स्मार्ट सिटी जातलीच, अशें दिसूंक लागलां.
पणजे उपरांत मडगांवां वच्चें आदीं मुरगांव स्मार्ट सिटी जावपाक जाय, ते खातीर दाबोळी, मुरगाव, वास्को ह्या तीन मतदारसंघांची म्हापालिका करचीच. मोपा आंतरराष्ट्रीय ग्रिनफिल्ड विमानतळाक आतां कोण आडायतलो? मोपाक लागून मात्शें म्हापशें चकचकीत दिसपाक लागलां, पूण पणजे स्मार्ट सिटींतल्या कांपाल पाॅयंटा वेल्या कोयर वेवस्थापना कडेन पळोवपाक कोयर वेवस्थापनमंत्री बाबुश मोन्सेरात हांकां वेळच ना. कुडचड्यार भौशीक बांदकाममंत्री निलेशबाब काब्राल, विरोधी पक्ष मुखेली मायकल लोबो आनी आमदार दिगंबरबाब कामत हांच्या तेंक्यान 2018 वर्सा बुन्यादीच्या वावराक हात घाल्लो तो कोयर वेवस्थापन प्रकल्प मार्गाक लागला. मडगाव, नावेले, कुडतरे, फातोड्डें एकठांय आयल्यार सोनसड्याच्या म्हऱ्यांत कोयर वेवस्थापन प्रकल्प कित्याक जावचो न्हय? मडगांव – मोपा बुलेट ट्रेनी खातीर गोवा चेंबर आॅफ काॅमर्स अँड इंडस्ट्रीन मागणी केल्या. ट्रेन, कोयर वेवस्थापनाच्यो मागण्यो करप सोंपें, पूण बुन्यादीच्या वावराक गोंयचे जांवय आदले केंद्रीयमंत्री सुरेश प्रभू हांणी आदले मुख्यमंत्री मनोहरबाब पर्रीकार हांच्या वांगडा बसून रोडमॅपय केला, हें कोणाक खबर आसा?
नवनिर्मणे कडेन वतना पणजेंत सम्राट अशोक सिनेमा थिएटर आशिल्ली बिल्डिंग मोडटात, राव घराण्याचे परंपरेतलें नॅशनल थिएटर आनी लागसाल्लो वाठारय मोडचोच पडटलो. दिव्यांगां खातीर नवे इमारतीच्या बांदकामाचो आसपाव नवनिर्मणे कडेन वतना न्हयकारूंक जायना, तशी ती दिव्यांग जाल्ली दिसना तरी बिल्डिंग जळीमळी मेणकापडान धांपल्या. पणजे म्हापालिका बिल्डिंगेचे कितें? म्हापालिका इमारतीचे नवनिर्मणेची येवजण आदले महापौर नगरसेवक सुरेंद्रबाब फुर्तादो, उदयबाब मडकयकार हांणी जल्माक घाल्ली. तीच आतांचे महापौर रोहित मोन्सेरात फुडें व्हरत? पणजेंतल्यो तशो सरकारी कार्यालयां आशिल्ल्यो बऱ्योच बिल्डिंगो भायल्यान चकचकीत दिसतात, भितल्ल्यान एसी, व्हिसीच न्हय जाल्यार लिफ्टीय आसात, सोपणांक मार्बलय बसयलां. पणजे स्मार्ट सिटीचे बुन्यादी फातर मनोहरबाबान घाले, दिवजां सर्कल, नवरत्न दिवे आनी अटल सेतूय दिलो, गरज आसा बांदिल्ल्यो वस्ती सांबाळपा पासत बांदकाम व्यवस्थापन खातें जल्माक घालपाची. बांदकामाची नवी तंत्रां येत आसात, दिसाक मजले, दोन मजल्यांच्यो इमारती बांदपाचेंय काम जाता. प्रधानमंत्री नरेंद्र मोदी तर देश- विदेशांतली बांदावळ दुर्बिण दोळ्यांक लावन पळयतात. दुर्बिणीत दोळे घालून मळब पळोवपाची संस्कृताय पणजेत आसा, गोंय सायन्स सेंटर मनोहरबाबांच्या तेंपावेले एक ल्हानशें थेटरय थंय आसा, तातूंत बसून तांणी नखेत्रां पळयल्लीं, चंद्रिम, सूर्या हातांत घेतिल्लो आनी दर्यांतल्यान तकली वयर काडपी आनाकोंडा पळयतना “अंगे भिजली जलधारांचो अणभव इफ्फी आदींच घेतिल्लो”.
माॅन्सूनात गोंयांत नुस्तेमारी बंद आसता, पूण कवी मनोहरबाब सरदेसाय हांचे कवितेंतलो हडवो ताल्ल बेबो, शेता मेरेर उबो, डरांव डरांव करून रस्त्यावेल्यान उडकी मारतना दिसतात, चानये पिलांचेंय तशेंच. पणजेंत शेंकड्यांनी बांयो आसात, त्योय निवळ करपाक जायच, तांची नितळसाण म्हत्त्वाची. पणजेचे सगलेच आमदार तशे चलत भोंवपी, बाजारांत वचून नुस्तेंय हाडपी, पूण तोखणायेचो बाजार मनोहरबाबांनी दिलो, फ्रिसमन प्रभू कंत्राटदार कंपनीय आयली. नुस्त्या मार्केटाची नवी बांदावळ जायच. पणजी पर्रीकार, जे. बी. गोन्साल्वीस, बाशिक ब्रांको, पुश्पशिल केरकार, यशवंत सीताराम देसाय, सिद्धार्थ कुंकळ्ळयेकार आदीं आमदारांचे तेच प्रमाण रमेश सिलीमखान, अशोक नायक, वैदेही नायक, कारोलिन पो, बाशिकबाब, सुरेंद्र फुर्तादो, उदय मडकयकार, यतिन पारेख आनी हेर नगराध्यक्ष, महापौरांच्या परंपरेतली. इमेजिन पणजेची येवजण वैदेही, अशोकबाबांक विश्वासांत घेवन केल्ली. ताणी कांपाल पाॅयंटार एकठांय येवचेंच.
पणजेंतल्या नव्या कांपाल पाॅयंटाक चित्रकार सुबोध केरकार, तांचे पूत , महेश वेंगुर्लेकार, राजीव शिंदे आनी आदले आमदार यशवंत सीताराम देसाय हांचे पूत चित्रकार, शिल्पकार, सिनेमाचे सेट उबारपी शिरीष देसाय, नूतन काकोडे, निरुपा नायक, हर्षदा केरकार- सोनक हांणी पेटिंग्ज पाॅयंट कित्याक करचो न्हय? चित्रांतय जमाना है नया येता, सिया अतुल पंडित हे चित्रकार चलयेचें कौशल्य थंयच दिसतलें. वेर्मा डिमेलो, इशानी आंगले चौगुले हांच्या फॅशन डिझायनिंगांत नवे रंग थंयच मेळचे. नवो कांपाल जाॅयंट स्टार्टस वुईथ लव्ह बर्डस अँड मु्व्हज फाॅरवर्ड वुईथ माॅर्डन नुस्तेमारी अँड आॅल्सो ध्यान, ज्ञान पाॅयंट. वाय नाॅट काॅल मल्टी सिटी पाॅयंट?
सुहासिनी प्रभुगांवकार
9881099260
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
