भांगरभूंय | प्रतिनिधी
भांगरभूंय । प्रतिनिधी
वास्कोः मुरगांव तालुक्यांतल्या चिखली, सांकवाऴ, चिकोळणे, बोगमोळ, कासावली, वेळसांव- पाळी, कुठ्ठाळी- केळशी ह्या सात पंचायतींतल्या मतदानाची सगली तयारी पुराय जाल्या. मतदान केंद अधिकारी आनी कर्मचाऱ्यांक वेंचणूस साहित्य दिलां. बुधवारा सकाळी मतदानाक सुरवात जातली. वेंचणुकांनी 220 उमेदवार आसात. बारा मतदान केंद्रा संवेदनशील म्हणून जाहीर केल्यात. थंय पुलीस बंदोबस्त दवोरला.
चडशे कडेन आदले आजी-माजी सरपंच, उपसरपंचां मदी सरळ लडत आसा. सांकवाळ पंचायतीच्या बायलां खातीर राखीव आशिल्ल्या वॉर्ड 7त वट्ट 12 बायल उमेदवार आसात. वॉर्ड 6त लेगीत 10 बायल उमेदवार आसात. कोणाक जैत मेळटलें हें मतमेजणे दिसा दिसतले.
सात पंचायतींनी मेळून 20,697 दादले आनी 21,039 बायल मतदार आसात. सात पंचायतीनी मेळून 63 वॉर्ड आसात आनी 74 मतदान केंद्रां आसात. सांकवाळ पंचायतींतल्यान सगल्यांत चड 59 उमेदवार रिंगणात आसात. दरेका मतदान केंद्रांत पांच कर्मचारी मेळून वट्ट 370 अधिकारी आनी कर्मचारी नेमियार केल्यात. बायणा रवींद्र भवनात मामलेदार रणजीत साळगांवकार आनी वेंचणूक अधिकारी कुंदन गडेकार हांणी मंगळारा सकाळीं मार्गदर्शन करून तांका वेंचणूक साहित्य दिलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
