भांगरभूंय | प्रतिनिधी
…. सेटअप बॉक्स सोमतेंच बंद करता. मागीर पेड वा फुकट चॅनल कांयच पळोवपाक मेळना. गिरायकाचे पयशे सोंपले तरी उणेंच मुफत चॅनलांचें प्रक्षेपण तरी अखंडपणान जावचें.
डीडी फ्री डिशाचेर फुकट मेळटात ते खाजगी पे चॅनल टाटा प्ले, एअरटेल, डिश टीव्ही आदी हेर खाजगी वितरण प्लॅटफॉर्मांचेर फुकट आसपाक जाय. पे टीव्ही चॅनल आनी डीडी चलोवपी प्रसार भारती हांचे मदीं कबलात करपाचो सरकाराचो हेत आसा. फ्री डिश हें फुकट प्रसारण. फुकट चॅनल प्रसारीत केल्यार तांची येणावळ देंवतली अशें कांय प्रसारक म्हणटात, खास करून चॅनल पयलींच उण्या दरांत प्रसारीत जातात अशें ताचें म्हणणें.
डीटीएच कंपनींचे खंय उणे दर आसात? ते ₹ 200 वयर आसात. खाजगी कंपनींचे म्हयनाळें रिचार्ज सोंपले जाल्यार कंपनी सेटअप बॉक्स सोमतेंच बंद करता. मागीर पेड वा फुकट चॅनल कांयच पळोवपाक मेळना. गिरायकाचे पयशे सोंपले तरी उणेंच मुफत चॅनलांचें प्रक्षेपण तरी अखंडपणान जावचें. जर गिरायकाक पे चॅनल पळोवपाची उमेद आसली जाल्यार तो आपलें खाजगी सेटअप बॉक्स पयशे भरून रिचार्ज करतलो. हय. हाचेर सरकारान जाणीवपूर्वक लक्ष दिवचें. सध्या कांय चॅनल पॅकेजींतल्यान भायर सरून एड आॅन पर्याय वापरूंक लागल्यात. झी चॅनल रोखडोच एअरटेलाचे पॅकेजींतल्यान कुशीक सरतलो. मागीर तो एड आॅन म्हूण चड पयशे दिवन विकत घेवचो पडटलो. हातूंत झी मराठी, झी न्यूज, झी बिझनेस हे चॅनल आसात.
प्रसार भारतीच्या डीडी फ्री डिश प्लॅटफॉर्माचेर आशिल्ले पे चॅनल हेर वितरण प्लॅटफॉर्मांचेरूय फ्री टू एअर जाहीर करचे पडटले. असो आदेश भारतीय दूरसंचार नियामक प्राधिकरणान दिला. पे टीव्ही चॅनल आनी भौशीक सेवा प्रसारक हांचे मदीं समानता सुनिश्चीत करप हो ह्या आदेशाचो हेत आसा.
खाजगी प्रसारकांनी ह्या आदेशाचो तांच्या येणावळीचेर आनी बाजारांतल्या मागणेचेर वायट परिणाम जावंक शकता असो हुस्को उक्तायला. प्रसार भारती हें ट्रायच्या नियामक कार्यक्षेत्रांत ना असो युक्तिवाद करून कांय प्रसारक ट्रायच्या निर्देशांक कायदेशीर आव्हान दिवपाचो विचार करपाक लागल्यात. तशें आसल्यार सरकारान नवी दुरुस्ती हाडची. माननीय प्रधानमंत्री नरेंद्र मोदी हे त्या कामांत येसस्वी जावंक शकतात. कारण मोदी लोकांचे, लोकां कडल्यान आनी लोकां खातीर आसात. पेड चॅनल जायच कित्याक? जांकां ते नाकात तांचे खातीर फ्री डीश आसाच. फुकट ! म्हयन्याचो रिचार्ज अजिबात ना….
15 वर्सां रेसिडेन्सी दाखल्यांत सूट दिवची
सरकाराच्या म्हणण्या प्रमाण रेसिडेन्सी प्रमाणपत्र हो गोंयांत कायम आशिल्ल्याचो पुरावो आनी वेगवेगळ्या सरकारी येवजण्यां खातीर तो गरजेचो आसता. बिगर गोंयकारांकय हें फायद्याचें अशें म्हाका दिसता. 15 वर्सां गोंयांत सतत रावता जाल्यार तो गोंयकार (?) आनी ताका 15 वर्सांचो रेसिडेन्सी प्रमाणपत्र मेळटा. बरें आसा. वाद ना. पूण, प्रस्न असो की 10 वी पास जाल्ल्या गोंयच्या विद्यार्थ्यांक रोजगार विनिमय नोंदणी खातीर 15 वर्सांचो रेसिडेन्सी प्रमाणपत्र कित्याक जाय?
जल्माच्या तिसऱ्या वर्सा सावन गोंयकार वा बिगर गोंयकार भुरगो बालवाडी वा एलकेजी आनी यूकेजी, उपरांत शाळेंत आनी उपरांत 5 व्या ते 10 व्या यत्ते मेरेन हायस्कूलाक वता. हो शिक्षणीक काळ आपोआप गोंयच्या विद्यार्थ्याचें गोंयचें मूळ वा ताच्या गोंयांतलें 15 वर्सांचें राबितो सिद्ध जाता. तर गोंयांत जल्मल्ल्या विद्यार्थ्यां खातीर 15 वर्सांचें रेसिडेन्सी सर्टिफिकेट तयार करपाक वेळ कित्याक फुकट घालोवचो?
सरकारान एसएससीई पास विद्यार्थ्यांक उण्यांत उणें 15 वर्सांच्या रेसिडेन्सी प्रमाणपत्रांतल्यान सुट दिवची. हय, हें शक्य आसा. घर दुरुस्ती आनी विभागणी सोंपी केल्यार, मागीर गोंयांतल्या एसएससीई पास विद्यार्थ्यांक रोजगार विनिमय नोंदणी सोंपी करपाक जाय. गोंयांतलो सामान्य मनीस बऱ्या रोजगारा पसून वंचित आसा. हाचो उल्लेख केल्यार मानसीक त्रासाची गजाल.
सरकारी नोकऱ्यांनी आनी हेर रोजगार संदींनी रोजगार विनिमय कार्ड फायद्याचें आसता, देखून गोंयकारांक भरती प्रक्रियेंत प्राधान्य मेळटा अशें म्हण्टात. हाचेर सदांच प्रस्नचिन्न आसतलें. ना? गरजेवंत कुटुंबाक नोकरी मेळटली? राज्य प्रायोजीत शिश्यवृत्ती, सरकारी नोकऱ्यो आनी थळाव्या रहिवाशांचेर लक्ष्य करून हेर फायदे मेळोवपा खातीर रोजगार प्रमाणपत्र म्हत्वाचें मानतात.
शिक्षणीक संस्थांनी राज्य- कोटा जाग्यार प्रवेश मेळोवपा खातीर विद्यार्थ्यांक रावपाच्या प्रमाणपत्राची गरज आसूं येता. आनी नोकऱ्यो? बेकार कुटुंबांक कोटा ना? आसू. तरी आसतनाय एसएससीई पास जाल्ल्या गोंयच्या विद्यार्थ्यांक रोजगार विनिमय कार्ड नोंदणी खातीर गरजेच्या 15 डोमिसायल प्रमाणपत्रांतल्यान सुट दिवची. निदान स्वताच्या स्रोतां वरवीं सरकारी नोकऱ्यां खातीर अर्ज करूं. प्रत्यक्षांत रोजगार विनिमय कार्डाची नोंदणी सामान्य मनशाक निराश करपी आसता, ती फकत एक औपचारिकताय. हांव तातूंतलो एक.
राजेश बाणवलीकार,
वेगासवाडो, हडफडे (बार्देश)
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
