भांगरभूंय | प्रतिनिधी
प्रधानमंत्र्यां सयत साबार फुडाऱ्यां कडेन चर्चा
भांगरभूंय । प्रतिनिधी
पणजीः विधानसभेचें पावसाळी अधिवेशन चालू आसतनाच मुख्यमंत्री डॉ. प्रमोद सावंत बुधवारा राती दिल्ली गेले. थंय तांणी प्रधानमंत्री नरेंद्र मोदी हांचे सयत गृहमंत्री अमीत शाह आनी भाजपा अध्यक्ष जे. पी. नड्डा हांचीय भेट घेतली.
केंद्रीय मंत्री श्रीपाद नायक, राज्यसभा खासदार तशेंच भाजपा प्रदेशाध्यक्ष सदानंद शेट तानावडे, गोंय भाजपा प्रभारी सी. टी. रवी हे फुडारीय ह्या वेळार हाजीर आशिल्ले.
हे बसकेंत मोदी, शाह आनी नड्डा हांणी लोकसभा वेंचणुके संबंदान चर्चा केल्ल्याची म्हायती सुत्रांनी दिली. मजगतीं दोन दिसां आदीं मंत्री विश्वजीत राणे हांणीय दिल्ली वचून गृहमंत्री अमीत शाह हांची भेट घेवन तांचे कडेन विविध विशयांचेर चर्चा केल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
