भांगरभूंय | प्रतिनिधी
दरेकल्याक आपली कांत तुकतुकीत आसची अशें दिसता. ताका लागून खुबशे जाण दोतोर, व्यायाम, घरगुती ब्यूटी टिप्स आनी विंगड विंगड जीनस खातात. पूण खूब उणे लोक आसात, जे ज्युस पितात.
तांकां ज्युस करपाक एक तर बेजार येता ना तर खुबश्या जाणांक कांय फळां आवडनात. पूण ह्या सगळ्यां कडेन आडनदर करून दिसाक इल्लो तरी ज्युस पियेवप गरजेचें. ताका लागून आयज आमी तुमका १० तरेचे ज्युस कशे करप ते सांगतलीं. हे ज्युस पिल्यार तुमचें कांतीर ग्लो येतलो आनी भलायकीय बरी उरतली.
गाजराचो ज्यूस
गाजरांत कॅरोटीनोइड्स, फ्लेव्होनॉइड्स आनी अँटिऑक्सिडंट्सचे पुश्टीक घटक आसतात जाका लोगून तुमचे कांतीक फायदो जाता.
अणसाचो ज्यूस
अणस हें फळ खावपाक जितलें रुचीक तितलेंच तें आमचे भलायके खातीर फायद्याचें. अणसाच्या ज्युसाक लागून रगत प्रवाह आनी रक्तसंचार सुदारता. कांतीचो पोत सुदारपाक आदार करता.
एलोवेरा ज्यूस
एलोवेरा खुबशे तरेचीं जिवनसत्वां आनी खनिजां आसतात. देखून कांत सैमीक रितीन चकचकीत जाता. अशे स्थितींत आमी आठ दिसांनी एक फावट तरी एलोवेराचो रोस पियेवचो.
संत्र्यांचो ज्यूस
संत्र्यांनी व्हिटॅमिन्स व्हडा प्रमाणात आसतात. दोतोरूय खुबश्या जाणांक व्हिटामीन सी कमी जाल्यार संत्रां खावपाक लायतात.
ग्रीन ऍपल ज्यूस
अँटिऑक्सिडंट्स आनी व्हिटॅमिन सीन भरिल्लो ग्रीन ऍपल तुमचे कांतीक निरोगी दवरता. मुखामळाचेर रिंकल येता जाल्यार जो ज्युस पियेंवचो.
पोपायेचो ज्यूस
पोपायेंत टोमॅटो सारकें बीटा-कॅरोटीन आसता. पोपायेचो रोस तुमची कांतीची राखण करता, तशेंच सनबर्न आनी कांत तांबडी जावपा पसून वाटायता.
तवश्याचो ज्यूस
तवश्यांत व्हिटॅमीन बी, के आनी बी-६ अशीं विवीध जिवनसत्त्वां आसतात. तातूंत कॅफीक ऍसीड आनी एस्कॉर्बिक ऍसीड आसता. जें कांतीक हायड्रेटेड दवरपाक मजत करता.
काळगांचो ज्यूस
काळगांचो ज्यूस पिल्यार तुमच्या कांतीची सैमीक आर्द्रतेची पातळी वाडटा.
डाळमाचो ज्यूस
डाळमासो ज्यूस पिल्यार रगत वाडटा आनी कांत तट्टटीत जाता. वृद्ध लोकां खतीर हो खूब म्हत्वाचो.
बीटरूट ज्यूस
बीटरूट ज्युसांत भरपूर मँगनीज, व्हिटॅमिन सी, फॉलीक सिड, झिंक, आयर्न आसता. ताका लागून रगत शुद्ध जाता आनी कांत ग्लो जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
