मुंबय सिटीक 2-0 फरकान जैत

भांगरभूंय | प्रतिनिधी

मुंबय सिटी एफसीन इंडियन सुपर लिगेंत (आयएसएल) घरच्या मैदानाचेर खेळिल्ले पयलेच मॅचींत जैत जोडलें. ओडिशा एफसी आडचे मॅचींत ताचें पयल्या अर्दांतलें प्रदर्शन सुमाराचें जालें. पूण, तांणी आपल्या प्रदर्शनांत रोखडीच सुदारणां केली आनी मध्यांतरा उपरांत आक्रमणाची धार तीव्र केली. बिपीन सिंग आनी लिलिआंझुआला छांंग्टेन हांणी मुंबय वतीन सुंदर खेळ केलो.

छांग्टेचो एक यत्न ओडिशाच्या गोलकीपरान आडायलो.पूण, शुभम सारंगीच्या आत्मघालकी गोला नेटार मुंबयन आघाडी मेळयली. 50व्या मिनटाक मेळिल्ली आघाडी कायम राखली आनी 90+4 मिनटाक बिपिनाच्या गोलान भर घाली आनी मुंबय सिटीचें जैत 2-0 अशें निश्चीत केलें.

जमशेदपूर एफसी आड जैत जोडपी ओडिशा एफसीन कालचे मॅचीक आश्वासक सुरवात केली. दुसऱ्या मिनटाक जेरी माविहमिंगथांगा 6 यार्डा लागसार बॉल घेवन गेलो. पूण, रॅफ्रीन ऑफ सायड काडली.

दुसऱ्या अर्दांत मुंबय सिटीन आपली ताकद दाखयली. पयल्या तीन मिनटांनी छांग्टेन ओडिशाच्या बचाव फळीक चकयलो. 50व्या मिनटाक छांग्टेन असोच एका प्रयत्ना खातीर बॉल स यार्ड बॉक्सांत घेवन गेलो. ओडिशाचो गोल कीपर शुभमाच्या पांयाक लागून बॉल गोलपोस्टांत गेलो.

दुसरो गोल 90+4 व्या मिनटाक करून मुंबय सिटीन 2-0 फरकान जैत जोडलें.