भांगरभूंय | प्रतिनिधी
महाड, खबरां संस्था : कशेडी बोगद्याचेर काम करपी शिंदे डेव्हलपर्स कंपनीन २६ लाख रुपयांचो कर भरूंक ना. ही थकबाकी वसूल करपा खातीर भोगाव खुर्द पंचायतीन कंपनीचो प्लांट सील केला. ग्रामपंचायत वाठारांत हे कृतीचेर खर चर्चा सुरू आसा.
मुंबय- गोंय महामार्गाचेर कशेडी बोगद्याचें काम शिंदे डेव्हलपर्स प्रायव्हेट लिमिटेड ही कंपनी करता. तिणें पंचायतीच्या जाग्यार तांचे प्लांट उबे केल्यात. मजगतीं, कंपनीन २६ लाख रुपयांचो कर भरूंक नाशिल्ल्याचो दावो ग्रामपंचायतीन केला.
जाग्याचो कर भरपा खातीर पंचायतीन फाटपुरवण केली. पूण, कंपनीन ताची दखल घेवंक ना.
बोगद्याच्या जोड रस्त्याच्या कामाक लागून गांवांतले भितरले रस्ते आनी उदकाची पुरवण खंडीत जाल्ली. ताचीय भरपाय कंपनीन करूंक नाशिल्ल्यान ग्रामपंचायतीन बेजार जावन अखेरेक तांच्या प्लँटाक सील केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
