भांगरभूंय | प्रतिनिधी
भांगरभूंय । प्रतिनिधी
मडगांवः काँग्रेस आनी राष्ट्रवादी काँग्रेस पक्षाक गोंयांत फुडार ना. तांचे लागीं संबंद दवोरप म्हणल्यार राजकी आत्महत्या अशें सांगून राष्ट्रवादी काँग्रेस पक्षाचो आपणे राजिनामो दिला अशी म्हायती नुवें मतदारसंघांतल्यान फाटली विधानसभा वेंचणूक लडोवपी आदलो आमदार आनी मंत्री मिकी पाशेको हांणी दिल्या.
काँग्रेस पक्षाचे तिकिटीचेर वेंचून आयिल्ले सध्या भाजपांत वचपाचो यत्न करतात. काँग्रेस आनी राष्ट्रवादी पसून पयस रावंन राजकारणांत, चड करून साश्टीच्या राजकारणांत सक्रिया रावपाचें पाशेको हांणी थारायलां. राष्ट्रवादी काँग्रेस पक्षाचे तिकेटीर बाणावले मतदारसंघांतल्यान वेंचणूक लडोवन पाशेको आमदार जाल्ले. उपरांत ते गोवा विकास पक्षाचे आमदार जाल्ले. 2022 ची वेंचणूक बाणावलेच्यान काँग्रेस पक्षाचे तिकेटीचेर लडोवपाची तांची इत्सा आशिल्ली. मात तिकेट न्हयकारिल्ल्यान तांणी राष्ट्रवादीचे तिकेटीचेर वेंचणूक लडयली मात तांका हार खावची पडली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
