भांगरभूंय | प्रतिनिधी
माशें-काणकोणच्या एस एस आंगले उच्च माध्यमीक स्कुलाच्या चल्यांच्या आनी चलयांच्या पंगडान राज्य पांवड्या वयले बेसबॉल सर्तीचो किताब जिखलो.
खेळां आनी युवा वेव्हार संचालनालयान कुंकळ्ळीच्या फुटबॉल मैदानाचेर सर्तीचें आयोजन केल्लें. चल्यांच्या गटांतले फायनलींत एस एस आंगले उच्च माध्यमिकाच्या पंगडान म्हापशेंच्या पुरुषोत्तम वालावलकार उच्च माध्यमीक स्कुलाच्या पंगडाक 12 रन्स होम्सान (13-01) हारयलो. तिसरी सुवात फोंडेंच्या पी.ई.एस उच्च माध्यमीक स्कुलाच्या पंगडाक फावो जाली.
एस एस आंगलेच्या पंगडांत अग्नेश देसाय, मणिकांत कोलेकार, श्रेयस सातारकार, सांच शिरोडकार, सुजल मेथा, दिपेश सडिये, सौरव नायक, सुजल ठकर, मुकूल सुधीर, प्रथम भट, प्रणय नायक, सुमीत मेथा, साईनंद तडकार, जेझील मिरांडा, सुशांत गांवकार आनी प्रताप गांवकार हांचो आस्पाव आशिल्लो.
चलयांच्या गटांतले फायनलींत एस एस आंगले उच्च माध्यमिकाच्या पंगडान लेगीत म्हापशेंच्या पुरुषोत्तम वालावलकार पंगडाक हारयलो. आंगले पंगडान ही मॅच 10रन्स होम्सान जिखली (12-02). तिसरी सुवात गुडी-पाड्डेंच्या दामोदर उच्च माध्यमिकाच्या पंगडाक फावो जाली.
जैतिवंत पंगडांत कृतिका काणकोणकार, सीया नायक, दिती गडो, भुमी नायक, सायली कासार, पलक लोलयेंकार, खुशी नायक, नीता खरात, शर्मिला कोलेकार, रक्षा नायक, सचिता सैल, राणी सुधीर, रचिता जोशी, तनिषा पागी, तेजल पागी, गायत्री बांदेडाकर हांचो आस्पाव आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
