भांगरभूंय | प्रतिनिधी
भांगरभूंय I प्रतिनिधी
पणजी : केपें म्हालांतल्या मोरपिर्ला सरकारी हायस्कुलाची मुख्याध्यापिका मारिया मिरांडा हांकां राष्ट्रीय शिक्षक पुरस्कार जाहीर जाला. राष्ट्रपती द्रौपदी मुर्मू हांचे हस्तुकीं 5 सप्टेंबराक हो पुरस्कार भेटयतले.
मोरपिर्ला सरकारी हायस्कुलांत फाटलीं 34 वर्सां ज्ञानदानाचें काम करपी मारिया मिरांडा हांकां तांच्या उत्कृश्ट कामगिरी खातीर 2020त राज्य सरकारा वतीन दिवपी राज्य शिक्षक पुरस्कार फावो जाल्लो. तशेंच शिक्षण मळा वयल्या तांचे कामगिरी खातीर शिक्षण क्षेत्रांतलो ‘सावथ इंडियन वुमन आचिव्हर पुरस्कार’ आनी शिक्षण खात्या कडल्यान दिवपी ‘शिक्षक विकास पुरस्कार’ लेगीत तांकां फावो जाला.
नाविन्यपूर्ण शिक्षण दिवन विद्यार्थ्यांची उदरगत करपी शिक्षिका म्हूण तांची नामनां आसा. सेगीत पांच वर्सां मोरपिर्ला हायस्कुलाचो 100 टक्के निकाल लागपांत तांचें योगदान व्हड आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
