भांगरभूंय | प्रतिनिधी
मोटर पंपां सयत इलेक्ट्रीकल आनी प्लंबिंग वस्तूं चोरल्यो
म्हापशें, प्रतिनिधी ः माडेल थिये गोंय हावसिंग बोर्डाच्या मालकीच्या फ्लॅटातल्यान दोन मोटर पंपां सयत इलेक्ट्रीकल आनी प्लंबिंग वस्तूंची चोरी जाली. ही घडणूक 27 डिसेंबर 2023 ते 3 जानेवारी 2024 ह्या काळांत घडली. हे विशीं गोंय हाउसिंग बोर्डाचे कार्यकारी अभियंते एस. डी. गांवकार हांणी कोलवाळ पुलिशेंत कागाळ केल्या.
गोंय हावसिंग बोर्डाच्या माडेल थिवी रेसिडेन्सी कॉम्प्लेक्सांतल्या एका फ्लॅटाच्या रूमांत इलेक्ट्रीकल्स आनी प्लंबिंगाच्यो वस्तू दवरिल्यो. लोखणाची गेट मोडून इमारतीच्या टेरेसाचेर चोर चडले आनी जनेलाचो हारसो फोडून ते फ्लॅटांत भितर सरले आनी वस्तू चोरल्यो.
फुडलो तपास कोलवाळ पुलीस उपनिरिक्षक भरत खरात करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
