भांगरभूंय | प्रतिनिधी
रानांत भोंवडेर वचून येतकच माकडाक उमेद जाली. पिलांक दिसलें अशी भोंवडी मारत रावचें. पूण परत पयस कोण घेवन वतलो?! तांणी आपले मदीं खेळ खेळपाचें थारायलें. इतल्यांत तांकां वेल्यान एक विमान उडटा तें दिश्टी पडलें. रंग निळो.
तुमी कोण कोण विमानांत बसल्यात?
“ना, आमी बसुक ना.”
“पूण विमान पळयलां”.
“हय” ….. सगल्यांनीच बोवाळ माल्लो.
आमी विमानां उडटात तीं पळयल्यां. आमकां नांवाय खबर आसात…..पूण वाऱ्या भशेन उडपी पवनकुमाराची
म्हणल्यार वीर हनुमानाची याद जाली.आज्जी केन्ना- केन्ना ताज्यो खबरी सांगताली.
“अशें ” ? म्हणलें सगल्यानी.
“रामाचो भक्त न्हय? ” रेवान म्हणलें.
“रावणाची लंका लासून वडयिल्ली न्हय?” रसिकान विचारलें.
” हय ” बावलेन म्हणलें.
“आमीय शूर, वीर, धीट, साहसी जावपाची गरज आसा ” बावली उलयली. “अशे तरेचे बरें जंय जंय मेळटा तें आमी
आपणावपाची गरज आसा. ” बावली सांगताली. भुरगीं आयकुवपाक गुल्ल जाल्ली.
“सुर्याकच धरपाक तयार आशिल्लो .. खंय बजरंग बली” रायनान म्हणलें.
” हय, तर” कसलींय साहसां करपाक भिनाशिल्लो” बावलेन म्हणलें.
“खरें” तकलेन बरोच हुशार आसतलो?” म्हणलें रेवान.
“अशीं उदाहरणां घेवन आमी मुखार वचपाक जाय” बावली नेटान उलयली. सगल्यांक आनी इल्लो नेट आयलो.
“म्हणल्यार तो विमाना भशेन, वयर घोण, जावन उडटालो.” प्रणवान विचारलें.
“सारकें अशेंच तरेन, वारो म्हणल्यार…. वीर हनुमान. बळगे कितलें?”
“लक्ष्मणा खातीर दोंगरुच उबारुन घेवन आयिल्लो” बावली सांगपाक लागली.
“आमी काणयानी आयकलां .”…..भुरगीं उलयत रावलीं.
“हांवे जय हनुमानाची काणी वाचल्या” रजत उलयलो.
“ताका पळोवन सगले “बॉडी बिल्डर” जावंक सोदतात दिसता”, म्हणत रायन हांसपाक लागलो.
सगल्यांकूच हांसता हांसता पोटांत दूक पडली.
“ब्रूसली” म्हूण जावन गेलो….. बावली उलयली.
भुरगीं मात बारकेल्या ….. ” ए भेंड्या ” म्हूण प्रणवाक पळोवन हांसपाक लागलीं.
प्रणवाक मात्सो रागय आयलो. पूण बावलेन म्हणलें. “केन्ना दुसऱ्याक कमी समजप ना, बेठेच हांसप ना, फकांणां करप ना.” बावली उलयली.
“सॉरी , सॉरी ” म्हणलें हेरांनी.
“आमी सगले इश्ट इश्टीणी कोणाक वायट दिसपा सारकें उलोवप ना……बावली सांगपाक लागली. सगल्यांक आपली चूक समजली.
“हाचे फुडें आमी अशें करचे ना”… म्हणलें भुरग्यांनी .
“जय हनुमान”….बजरंग बली की जय” सगल्यांनी नेटान म्हणलें.
सुटी फाल्यां. मेळुया. बेगीन येवया, हांसुया, खेळुया, नाचुया मजा करता करतां शूर वीर जावपाचे यत्न करुया……म्हणत गेली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
