भांगरभूंय | प्रतिनिधी
मडगांव पालिकेचे नवे मुख्याधिकारी रोहित कदम हांणी शुक्रारा पदाचो ताबो घेतलो.
मडगांव पालिका वाठारांतल्यो सगल्यो समस्या सुटावे करपाचेर भर दितलों अशें कदम हांणी सांगलें.
नगरसेवक, पालिका अभियंते, पालिका अधिकारी हांची बसका घेवन तांच्यो अडचणी आयकून घेतल्यो आनी त्यो सुटाव्यो करपाचो यत्न करतलों अशें तांणी सांगलें.
मडगांव पालिका वाठारांत फातोड्डें, कुडटरी, मडगांव येता. हांगाच्यो समस्या सुटाव्यो करपा खातीर फावो तीं पावलां उखलतलों. मडगांव पालिकेंत मुख्याधिकारी म्हणून काम करप हें एक आव्हान आसा. तें पालिका मंडळ आनी पालिका अधिकारी हांच्या सहकार्यान हांव समर्थपणान पेलतलों अशें उतर तांणी दिलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
