भांगरभूंय | प्रतिनिधी
श्रीनगर : मटण खार जालां मरे… अशें म्हणींत सगलीं बेजार जालीं. तांचें तोंड पळोवन मून लायट रेस्टाॅरटाचो धनी म्हणपाक लागलो. ‘थोडो वेळ रावात. परत करून दितां. मटणाचो वायट अणभव घेवन परत केरळांत वचूं नाकात…..’ लावण्या अल्बी आनी तिच्या कुटुंबाची ही कथा. मटण खार जावंक नाशिल्लें जाल्यार तीं ज्युस्त त्याच वेळार पहेलगामांत हल्लो जाल्लो त्या जाग्यार पावपाचीं. लावण्या ही गजाल सांगतालें. खाऱ्या रोगन जोश मटणान तांचो जीव वाटायलो. नव्यान मटण करपाक वरभर लागलें. उपरांत जेवता म्हणसर आनीक अर्द- पाऊण वर.
थंय पावलीं तेन्ना लावण्याचो घोव म्हणपाक लागलो, ‘दोंगर चडचे पयलीं जेवन घेवया.’ भूक लागूंक नासतना तीं पहेलगामच्या आयल्यान रोगन जोश हें खास काश्मिरी मटन खावपाक रावलीं म्हणून वाटावलीं.
‘‘आमच्या कुटुंबांत पांच दादले आशिल्ले. ही घडणूक जाले उपरांत त्या रेस्टाॅरट धनयांनी आमची काळजी घेतली. आमकां कसलोच त्रास जावचो ना हें पळयलें.’’ अशें लावण्यान सांगलें. सध्या काश्मीरांत पर्यटन मोसम तेंमकार पावला. मात हल्ल्याक लागून बऱ्याच पर्यटकांनी तिकेटी रद्द केल्यात. एकूय पर्यटक हांगा येवचो न्हय, अशें आतंकवाद्यांक दिसता. काश्मीरा भायल्या राज्यांतल्या कांय लोकांकूय आतां तशेंच दिसपाक लागलां. ते कोणेच काश्मीरांत वच्चें न्हय, असो यत्न करपाक लागल्यात, अशें प्रसारमाध्यमांतल्यो खबरो पळयल्यार दिसता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
