भांगरभूंय | प्रतिनिधी
भांगरभूंय प्रतिनिधी
पणजी : मंगेशींच्या विठ्ठलराव दीनानाथ आनी सावित्रीबाई विठ्ठलराव वागळे माध्यमीक विद्यालयाचो धावेचो निकाल ९८.१३ टक्के लागला.
गोंय माध्यमीक आनी उच्च माध्यमीक शिक्षण मंडळान एप्रील म्हयन्यांत घेतिल्ले धावेचे परिक्षेंत ह्या विद्यालयाचे १०७ विद्यार्थी बशिल्ले.
तातूंतले १०५ विद्यार्थी पास जाले. जाल्यार दोन विद्यार्थ्यांक एटीकेटी मेळ्ळ्या.
कौशीक भानुदास नायक हाणें ९२.३० टक्के गूण मेळोवन पयली सुवात मेळयली. पुष्कर अतुल देसाय आनी ऋत्वी रितेश नार्वेकार हांणी ८८.५० टक्के गूण मेळोवन दुसरी सुवात जोडली. नहुष हेमंत अध्यापक हाणें ८७ टक्के गूण मेळोवन तिसरी सुवात मेळयली.
२६ विद्यार्थी विशेश श्रेणींत, ४० विद्यार्थी पयल्या वर्गांत, ३६ विद्यार्थी दुसर्या वर्गांत जाल्यार तीन विद्यार्थी पास वर्गांत पास जाले.
सेगीत दोन वर्सा वर्ग नासतना विद्यार्थ्यांनी येस मेळोवन माध्यमीक विद्यालयाचें नांव पर्जळीत केलां म्हणून श्री मांगिरीश विद्यादायिनी संस्थेचे अध्यक्ष अरुण देसाय, उपाध्यक्ष अवधूत कामत, पुंडलीक खवंटे, सचीव सुदीन कुंकळ्येकार, पालक शिक्षक संघाचे अध्यक्ष डाॅ. मधू घोडकिरेकर, मुख्याध्यापिका मिताषा ऐगल, शिक्षक, कर्मचारी आनी हेरांनी विद्यार्थ्यांक परबीं भेटयल्यांत.
कोरोनाच्या कठीण काळांत योग्य वाट दाखोवपी मुख्याध्यापिका मिताषा ऐगल हांचें पालकांनी अभिनंदन केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
