भांगरभूंय | प्रतिनिधी
तामिळनाडू 15 ते 18 ऑगस्टाक जावपी सब ज्युनियर राष्ट्रीय टॅनीस बॉल वस्तादपण सर्ती खातीर पर्यें श्री भूमिका उच्च माध्यमिकाच्या स विद्यार्थ्यांची निवड जाल्या. विद्यालयाच्या वेवस्थापकान आनी पालक शिक्षक संघान तांकां परबीं भेटयल्या.
निवड जाल्ल्यां मदीं वैष्णव गांवस, दीपराज गांवकार, मनिषा गांवस, रुद्रेश च्यारी, दिव्या गांवकार, राही वांतेकार हांचो आस्पाव आसा.
तांचे खातीर आयोजीत केल्ल्या निरोप सुवाळ्यांत विद्यालयाचे प्राचार्य यशवंत सावंतान म्हणलें, ह्या भुरग्यांनी विद्यालयाची प्रतिश्ठा वाडयली. अशेच तरेचें काम हेर विद्यार्थ्यांनी करप खूब गरजेचें आसा. वेगळ्यावेगळ्या क्षेत्रांनी भुरग्यांक मेळपी दरेक संदीचो फायदो तांणी घेवचो.
विद्यालयाचे उपप्राचार्य रावसाहेब राणे हांणी लेगीत तांकां परबीं भेटयली. विद्यालयाचे शारिरीक शिक्षक अमोल वझे हांणी भुरग्यांक बरे तरेन प्रशिक्षण दिलां. ताका लागून तामिळनाडूंत जावपी सर्तींत ते निश्चीत रितीन बरें प्रदर्शन करतले अशी आस्त तांणी ह्या वेळार उक्तायली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
