भांगरभूंय | प्रतिनिधी
आंतरराष्ट्रीय क्रिकेट समितीन (आयसीसी) बायलांचे संवसारीक वन डे क्रिकेट सर्तीचें वेळापत्रक जाहीर केलें. वेळापत्रका प्रमाण भारत आनी पाकिस्तान ह्या पंगडां मदीं 5 ऑक्टोबराक मॅच जातली. ही मॅच कोलंबो शारांतल्या आर प्रेमदासा स्टेडियमाचेर जातली. सर्तीची सुरवात 30 सप्टेंबरा सावन जातली. उक्तावणाची मॅच भारत आनी श्रीलंका ह्या पंगडां मदीं जातली.
आंतरराष्ट्रीय क्रिकेट समितीन भारताक सर्तीची येजमानकी दिल्ली. पूण, पहलगाम आतंकी हल्ल्या उपरांत भारतान केल्ल्या सिंदूर ऑपरेशनाच्या कारणाक लागून पाकिस्तानाचो पंगड भारतांत येवपा विशीं दुबाव आशिल्ल्यान भारत-पाकिस्ताना मदली मॅच कोलंबोंत आयोजीत करपाचो निर्णय घेतलो.
12 वर्सांनी भारत बायलांचे संवसारीक वन डे क्रिकेट सर्तीची येजमानकी करता. फाटले खेपे 2013त भारतान येजमानकी मेळिल्ली.
सर्तींतल्यो 28 लीग मॅची आनी तीन नॉकआवट मॅची बंगळुरू, इंदौर, गुवाहाटी, विशाखापट्टणम आनी कोलंबो ह्या पांच सुवातांचेर जातल्यो.
पयली सेमी फायनल 29 ऑक्टोबराक गुवाहाटींत वा कोबंलोंत (पाकिस्तान जर सेमीत पावलो जाल्यार खंयचे सुवातेर खेळोवपाचें तें थारतलें) आनी दुसरी सेमी फायनल 30 ऑक्टोबराक बंगळुरूंत जातली. फायनल 2 नोव्हेंबराक बंगळुरूंत वा कोलबोंत जातली.
भारत आपली पयली मॅच श्रीलंका पंगडा आड बंगळुरूंतल्या एम चिन्नास्वामी स्टेडियमांत खेळटलो. जाल्यार बांगलादेशा आडची मॅच 26 ऑक्टोबराक बंगळुरूंतूच जातली.
पाकिस्तानाच्यो सगल्यो मॅची हायब्रीड मॉडलांत श्रीलंकेंत जातल्यो. भारतीय क्रिकेट नियामक मंडळ (बीसीसीआय) आनी पाकिस्तान क्रिकेट मंडळ (पीसीबी) हांचे मदीं हायब्रीड पद्दत आपणावपाक सहमज जाल्यात. पाकिस्तान आपल्यो सगल्यो मॅची कोलबोंत खेळटलो. हातूंत बांगलादेशा आडचे (2 जून), इंग्लंड (15 ऑक्टोबर), न्युझिलॅण्ड (18 ऑक्टोबर), दक्षीण आफ्रिका (21 ऑक्टोबर) आनी श्रीलंका आडचे (24 ऑक्टोबर) मॅचींचो आस्पाव आसा.
————
वेळापत्रकः
30 सप्टेंबरः भारत आड श्रीलंका (बंगळुरू)
01 ऑक्टोबरः ऑस्ट्रेलिया आड न्युझिलॅण्ड (इंदौर)
02 ऑक्टोबरः बांगलादेश आड पाकिस्तान (कोलंबो)
03 ऑक्टोबरः इंग्लंड आड द.आफ्रिका (बंगळुरू)
04 ऑक्टोबरः ऑस्ट्रेलिया आड श्रीलंका ( कोलंबो)
05 ऑक्टोबरः भारत आड पाकिस्तान (कोलंबो)
06 ऑक्टोबरः न्युझिलॅण्ड आड द.आफ्रिका (इंदौर)
07 ऑक्टोबरः इंग्लंड आड बांगलादेश (गुवाहाटी)
08 ऑक्टोबरः ऑस्ट्रेलिया आड पाकिस्तान (कोलंबो)
09 ऑक्टोबरः भारत आड द. आफ्रिका (विझाग)
10 ऑक्टोबरः न्युझिलॅण्ड आड बांगलादेश (विझाग)
11 ऑक्टोबरः इंग्लंड आड श्रीलंका (गुवाहाटी)
12 ऑक्टोबरः भारत आड ऑस्ट्रेलिया (विझाग)
13 ऑक्टोबरः द. आफ्रिका आड बांगलादेश (विझाग)
14 ऑक्टोबरः न्युझिलॅण्ड आड श्रीलंका (कोलंबो)
15 ऑक्टोबरः इंग्लंड आड पाकिस्तान (कोलंबो)
16 ऑक्टोबरः ऑस्ट्रेलिया आड बांगलादेश (विझाग)
17 ऑक्टोबरः द. आफ्रिका आड श्रीलंका (कोलंबो)
18 ऑक्टोबरः न्युझिलॅण्ड आड पाकिस्तान (कोलंबो)
19 ऑक्टोबरः भारत आड इंग्लंड (इंदौर)
20 ऑक्टोबरः श्रीलंका आड बांगलादेश (कोलंबो)
21 ऑक्टोबरः द. आफ्रिका आड पाकिस्तान (कोलंबो)
22 ऑक्टोबरः ऑस्ट्रेलिया आड इंग्लंड (इंदौर)
23 ऑक्टोबरः भारत आड न्युझिलॅण्ड (गुवाहाटी)
24 ऑक्टोबरः पाकिस्तान आड श्रीलंका (कोलंबो)
25 ऑक्टोबरः ऑस्ट्रेलिया आड द. आफ्रिका (इंदौर)
26 ऑक्टोबरः इंग्लंड आड न्युझिलॅण्ड (गुवाहाटी)
26 ऑक्टोबरः भारत आड बांगलादेश (बंगळुरू)
29 ऑक्टोबरः पयली सेमी फायनल (गुवाहाटी वा कोलंबो)
30 ऑक्टोबरः दुसरी सेमी फायनल (बंगळुरू)
02 नोव्हेंबरः फायनल (बंगळुरू वा कोलंबो)
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
