भांगरभूंय | प्रतिनिधी
भांगरभूंय । प्रतिनिधी
केंपेंः भारतीय भारतीय सेपेकटॅकरो फेडरेशनाच्या अध्यक्षपदार आदलो उपमुख्यमंत्री चंद्रकांत (बाबू) कवळेकार हांची बिनविरोध निवड जाली. कोलकाता हांगा जाल्ले वर्सुकी बसकेंत ही निवड जाली. कवळेकार सेगीत दुसऱे फावट फेडरेशनचे अध्यक्ष जाल्यात. ते खातीर गोंयांतल्या खेळां मळार तांका परबीं फावो जाल्यांत.
सेपेकटॅकरो खेळाक 1998 वर्सा गोंयांत सुरवता जाली. तेन्ना सावन कवळेकार हांचो तातूंत सक्रिय आसपाव आसा. गोंयच्या खेळगड्यांक उर्बां दिवन तांणी तांका राष्ट्रीय आनी आंतरराष्ट्रीय पांवड्यार पावयलें. राज्य पांवड्यार सिनियर, ज्युनिअर, सब- ज्युनिअर सर्ती आयोजीत करून सध्या हो खेळ राज्यांतल्या चडश्या शाळांनी पावोवपाक कवळेकार येसस्वी जाल्यात. भारतीय सेपेकटॅकरो फेडरेशनाच्या अध्यक्षपदार निवड केल्ले खातीर कवळेकार हांणी सगल्या संबंदितांचें उपकार मानल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
