भांगरभूंय | प्रतिनिधी
भांगरभूंय । प्रतिनिधी
पणजीः भाजप महिला मोर्चाच्या राष्ट्रीय उपाध्यक्षाची त्या पक्षाची सत्ता आशिल्ल्या गोंयांत खून जाता ही सामकी लजेची गजाल. भाजप सत्तेय येयत सावन राज्यांत गुन्यांवांचो आंकडो वाडत आसा असो आरोप आम आदमी पक्षाच्या युवा विंगाची राष्ट्रीय अध्यक्ष सेसील रॉड्रिग्ज हिणे पणजे घेतिल्ले पत्रकार परिशदेंत केला.
भाजपचे सुवार्थी वृत्तीक लागून देशाची लोकशाय धोक्यांत आयल्या. उदका भायर नुस्त्याची जशी तडफड जाता तशी भाजपाची गत जाल्या. सत्ता ना जाल्यार तांची तडफड जाता. सत्ता मेळोवपा खातीर खंयच्याय पांवड्यार देंवपाची तांची तयारी आसता. दिल्तींतले आम आदमी पक्षाचें सरकार उडोवपा खातीर 40 आमदारांक फोडपाचो तांचो डाव फुकट गेल्ल्यान तांची तडफड आनीकूय वाडल्या अशें वाल्मिकी नायक हांणी सांगलें. ईडी, सीबीआय यंत्रणेचो गैरवापर करून भाजाप सत्तेर येवपाक सोदता असो आरोप करून भाजपाची ऑफर भायर मारपी आपाच्या आमदारांची नायक हांणी तोखणाय केली.
सोनाली फोगट मरणाचे चवकशे वयल्यान संदेश तळेकार देसाय हांणी मुख्यमंत्री डॉ प्रमोद सावंत हांचेर टिका केली. फोगट हिका काळजाच्या आताकान मरण आयलें अशें मुख्यमंत्र्यांनी सांगल्लें, मात पोस्टमॉर्टम अहवाल वेगळेंच सांगता. हाका लागून गोंयचें नांव बदनाम जालां. मुख्यमंत्री स्वताच्या पक्षाच्या फुडाऱ्याच्या घरच्यांक न्याय मेळोवन दिना तेन्ना तांणी राजिनामो दिवन घरा वचपाक जाय अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
