भांगरभूंय | प्रतिनिधी
सावंतवाडी, प्रतिनिधी : केंद्रीय मंत्री नारायण राणें हांचे पूत, आदले खासदार निलेश राणे हांणी आयज राजकारण कायमचें सोडपाचो निर्णय घेतलो. निलेश हांणी दसर्या निमतान हे विशीं ‘एक्स’ ह्या सोशल मिडिया वरवीं ही घोशणा केली.
‘‘हांव राजकारण कायमचें सोडटां. आतां राजकारणांत मन लागना. आनी कांयच कारण ना. फाटलीं १९/ २० वर्सां सगळ्यांनी ट्विटांत म्हणलां.
‘‘भाजपांत म्हाका खूब खूब मोग मेळ्ळो. भाजपा सारकिल्ले उत्कृश्ट संघटणेंत काम करपाची संद मेळ्ळी ते खातीर हांव खूब नशिबवान. हांव एक ल्हान मनीस. पूण राजकारणांत खूब कितें शिकपाक मेळ्ळें. कांय सहकारी कायमचे मनांत घर करून गेले. हांव तांचो सदांच उपकारी आसा. वेंचणूक लढोवपांत म्हाका आतां उमेद ना. टिका करपी टिका करतले. पूण जंय मनाक पटना थंय स्वताचो आनी हेरांचोय वेळ पिड्ड्यार करप हें मनाक पटना.’’
‘‘नकळटां हांवें कांय लोकांक दुखयल्यात. ते खातीर दिलगिरी उक्तायतां. सगळ्यांक परबीं. जय महाराष्ट्र!’’, अशें राणें हांणी ट्विटांत म्हणलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
