भांगरभूंय | प्रतिनिधी
हालींच्या काळांत ब्लड प्रेशराची समस्या सामान्य जाल्या. खुबश्या जाणांक ब्लड प्रेशराचो त्रास जाणवता. हाचेर उपाय म्हणून कांय लोक वखदां घेतात जाल्यार कांय जाण ब्लड प्रेशराचेर नियंत्रण दवरपाक मीठ उणें करतात.
आतां शास्त्रज्ञांनी हाय ब्लड प्रेशराचेर नवी उपचार पद्धत सोदून काडल्या. आतां आनुवंशिकता चाचणे (Gene Test) वरवीं हाय ब्लड प्रेशरा वयलो उपचार थारायतले. जिन्स टेस्ट (Gene Test) हाय ब्लड प्रेशराचेर उपचार म्हणून मीठ सोडप काय वखद घेवप चड फायद्याचें आसतलें? हें कळटलें असो दावो शास्त्रज्ञांनी केला.
हाय ब्लड प्रेशराच्या उपचारांत व्हड क्रांती
ऑस्ट्रेलियन शास्त्रज्ञांनी हे विशीं एक सोध लायला. हें संशोधन हाय ब्लड प्रेशराच्या उपचारांत व्हड क्रांती घडोवन हाडपाक शकता. ऑस्ट्रेलियन शास्त्रज्ञांच्या पंगडांनी केल्ल्या संशोधना प्रमाण, व्यक्तींच्या आनुवंशिकतेच्या आधाराचेर मीठ उणें करपी वखदांनी खंयचो दुयेंती बरो जातलो हाचो अंदाज लावं येता, असो दावो शास्त्रज्ञांनी केला.
दर वर्सा अब्जांनी रुपया वाटवतले
ह्या संशोधनाच्या अहवाला प्रमाण, हाय ब्लड प्रेशराच्या दरेका दुयेंतीक एका सारकीं वखदां दिवपाची गरज पडची ना. आतां डॉक्टर दुयेतींच्या जीन्स प्रमाण, योग्य वखदां दिवपाक शकता. जाका लागून दुयेंतींचेर उपचार चड प्रभावी आनी फायद्याचो जातलो.
उपचार चड प्रभावी थारतलो
ह्या अहवाला प्रमाण, हाय ब्लड प्रेशराच्या दुयेंती खातीर ह्यान फुडें ’एक वखद सगळ्यां खातीर योग्य’ अशी परिस्थिती आसची ना. दरेका दुयेंतीक ताचे गरजे प्रमाण वखद दितले. जाका लागून उपचार चड प्रभावी आनी फायद्याचो थारतलो.
आनीक संशोधन करप सुरू
हो सोद आजूनय संशोधनाच्या टप्प्यार आसा. पूण फुडाराक हाय ब्लड प्रेशराच्या उपचारांत व्हड बदल घडोवपाक शकता. हाय ब्लड प्रेशराच्या उपचारांत शास्त्रज्ञांनी व्हड शोध लायल्यात. आतां दुयेतींच्या जनुकांच्या आधारान योग्य वखद सोदपाक मेळटलें. हे उपचार चड प्रभावी आनी अर्थीक जातले. संवसारभर कोट्यांनी रुपया वाटवतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
