भांगरभूंय | प्रतिनिधी
लंडन, खबरां संस्था ः चडशा भारतीय दोतोरांक ब्रिटनांत वंशवाद आनी भेदभावाक तोंड दिवचें पडटा. एका अभ्यासा प्रमाण, सुमार ४०% भारतीय दोतोर आपल्या वांगड्या वांगडा तशेंच दुयेंती कडेन अशे वागणुकेक बळी पडले. हांगा वंशवाद असो जाता, दुयेंती भारतीय दोतोरां कडल्यान उपचार न्हयकारतात. अशा दुयेंतींक दोतोराची पात्रताय आनी तांक हांचेर दुबाव येता. तशेंच सहकार्यांचे फटीचे कागाळी आनी शारिरीक हल्लेय भारतीय सोंसतात. सध्या सुमार ३५ हजार भारतीय दोतोर आनी नर्सी ब्रिटनांत काम करतात. थंय कामाक आयिल्ल्या विदेशी दोतोरां मदीं सगळ्यांत चड भारतीय आसात.
चडशे दोतोर वंशवादाचे बळी पडटात. पूण कसलीच कारवाय जावची ना अशी शक्यताय आशिल्ल्यान ते कागाळी दाखल करपाक टाळटात. जायत्या प्रकरणांनी अशें घडलां. वंशवादाच्या बळींक दुख्ख, अपमान, आडनदर ह्यो भावना आसतात.
कागाळ जाल्यार नोकरी बदलतात
एनएचएसांत २३,००० दोतोर आनी परिचारिकां मदले सुमार ४०% बिगर ब्रिटिश आसात. ब्रिटीश मेडिकल असोसिएशनाच्या म्हणण्या प्रमाण कामाचेर वंशवाद अणभवपी ७०% परस चड लोकांनी ताचो अहवाल दिवंक ना. दुबयत रावपी भारतीय वंशाचो नेफ्रोलॉजिस्ट डॉ. जगदीश नांजप्पा हांणी, २०१२ त युकेनांत प्रशिक्षणार्थी दोतोर आशिल्ले तेन्ना पर्यवेक्षकांनी जायते फावट अपमान केलो. अभ्यासक्रमाच्या निमाणे कडेन तांणी प्रशिक्षण पुराय केल्ल्याची खात्री करपाक न्हयकार दिलो. हो प्रस्न मांडल्या उपरांत नोकरी मेळ्ळी ना.
भारतीय दोतोरां आड वंशवादाच्यो कागाळी आमी गंभीरतायेन घेतात. हें हालींच आमच्या लक्षांत आयलां आनी आमी एनएचएसांतल्या उंचेल्या अधिकार्यां कडेन तें मांडपाची तयारी करतात, भारतीय उच्चायुक्ताच्या एका वरिश्ठ अधिकार्यान सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
