भांगरभूंय | प्रतिनिधी
कतार देशांत 20 नोव्हेंबरा सावन संवसारीक फुटबॉल सर्तीक सुरवात जातली. अर्जेंटिना पंगड किताबाच्या मुखेल दावेदार पंगडांतलो एक आसा. लियॉनॅल मॅसीच्या फुडारपणाखाला खेळपी अर्जेंटिना 36 वर्सां सावन चालू आशिल्लो दुकळ सोंपोवपाच्या यत्नात आसा. पूण, मॅसीक दिसता किताब जिखपाच्या तांच्या मार्गांत ब्राझील, फ्रान्स आनी इंग्लंड हे पंगड आडखळ हाडपाक शकतता.
ब्राझील, फ्रान्स आनी इंग्लंड हे पंगड हेर पंगडां परस सर्वोत्कृश्ट आसात. अंदूंची संवसारीक सर्त कठीण आसतली. मुखार कितेंय घडपाक शकता. आमच्या पंगडांत सर्वोत्कृश्ट खेळगडे आसात. ते संवसारीक सर्तींत खेळपाक इत्सूक आसात अशें मॅसीन म्हणलें.
अर्जेंटिनान दोन खेपे संवसारीक सर्त जिखल्या. अर्जेंटिना आपली पयली मॅच 22 नोव्हेंबराक सावदी अरेबिया आड खेळटलो. अर्जेंटिनाक सी गटांत सुवात दिल्या. ह्या गटांत मॅक्सिको आनी पोलंड ह्या पंगडांचो लेगीत आस्पाव केला. मॅसी आपली पांचवी संवसारीक सर्त खेळटलो. मॅसीन 2006त जर्मनींत जाल्ले संवसारीक सर्तींत पयले खेपे वांटो घेतिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
