भांगरभूंय | प्रतिनिधी
टोकियो ऑलिम्पिकांत कांश्या पदक जिखपी भारताची बॉक्सर लोव्हलिना बोरगोहैन हिणें बॉक्सींग फॅडरेशन ऑफ इंडियाचेर (बीएफआय) गंभीर आरोप केल्यात.
राष्ट्रकूल खेळां सर्त सुरू जावपाक कांय दीस बाकी आसतना आपल्याक मानसीक त्रास दिल्ल्याचो आरोप तिणें बीएफआयचेर केला.
बीएफआयंत चालू आशिल्ल्या राजकारणाक लागून आपल्याक प्रशिक्षणाचेर लक्ष केंद्रीत करपाक जमना अशें तिणें म्हणलां.बीएफआयचेर आरोप करतना तिणें म्हणलां, आपली प्रशिक्षक संध्या गुरुंगजी हांकां खेळां गांवांत येवपाक दिना, ताका लागून आपल्याक प्रशिक्षण घेवपाक मेळना.
संध्याच्याच मार्गदर्शनाखाला आपणेन टोकियो ऑलिम्पिकांत पदक जिखिल्लें. तिकाच परत परत काडून आपले प्रशिक्षणांत आडखळ हाडपाचो यत्न चालू आसा. खूब यत्नां उपरांत आपल्या दोनूय प्रशिक्षकांक आस्पाव करून घेतलो. पूण आतां खेळां गांवांत प्रवेश मेळना. तांकां परत घरा धाडले. अशें तिणें मुखार म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
