भांगरभूंय | प्रतिनिधी
आर्लेम यूथ असोसिएशनाक टायब्रेकरांत 5-3 अशा गोल फरकांनी हारोवन बेताळभाटी स्पोर्टिंगान कळेशी विलेजर्स युके करंड आंतरगांव फुटबॉल सर्तीचे क्वॉर्टरफायनलींत सुवात मेळयली.
केळशीच्या मॅच फादर ड्रस्टन आनी वॅलिंग्टन मैदानाचेर जाली. निर्धारीत वेळांतल्या खेळांत बेताळभाटी वतीन रोनाल्डो कुएल्हो आनी अलारिको डीकुन्हा हांणी दरेकी एक गोल केलो. जाल्यार आर्लेम यूथ असोसिएशना वतीन वॅलितो डीक्रूझ आनी जॉय क्वाद्रोस हांणी दरेकी एक गोल केलो.
निर्धारीत वेळाच्या खेळांत दोनूय क्लब 2-2 अशे बरोबरींत उरिल्ल्यान निकाल लावपाक टायब्रेकराचो आदार घेवचो पडलो. हातूंत बेताळभाटीन जैत जोडलें.
बेताळभाटी वतीन अॅश्ली फर्नांडीस, अालारिको डीकुन्हा, रोनाल्डो कुएल्हो, ओलिव्हर डीसौझा आनी जॉएलोन फर्नांडीस हांणी गोल केले, जाल्यार आर्लेम यूथ असोसिएशना वतीन डॅनी फर्नांडीस, जॉस्टन बार्बोसा आनी मॉवीन गांवकार हांणी गोल केले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
