भांगरभूंय | प्रतिनिधी
आनंद नायक हांकां एका लाखा परस चड लुकसाण
फोंडें: बिंबल-कुळ्यां आनंद नायक हांच्या घरा शेजरा सोमारा रातीं वीज पडिल्ल्यान घरांतलीं वीज उपकरणां पुराय लासून गेलीं. ताका लागून आनंद नायक हांकां एक लाखा परस चड रुपयांचें लुकसाण जालां.
थळाव्यांनी दिल्ले म्हायती प्रमाण सोमारा रातीं 10.30 वरांच्या सुमाराक गतीन व्हांवपी वाऱ्या सयत पडपी पावसांत अचकीत वीज पडली. वीज पडिल्ल्यान घरांतल्यो वीज वाहिन्यो, फ्रीज, टीव्ही, वॉशींग मशीन, मिक्सर आनी हेर उपकरणां लासून गेलीं. घरा शेजरा पडिल्ले विजेक लागून कांय झाडां लेगीत करपलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
