भांगरभूंय | प्रतिनिधी
कळंगूटे गाडयांचेर झाड आनी घराचें पांखें कोसळ्ळें
म्हापशेंः फाटले तीन दीस पडपी पावसाचो परिणाम बार्देस म्हालाचेर जाणवलो. कळंगूटे खोब्रावाड्यार आंब्याच्या झाडाचो खांदो पांच गाडयांचेर पडलो. जाल्यार उमतावाड्यार व्हिन्सेंट परेरा हांच्या गराचें पांखें कोसळ्ळें. हातंत सुमार १५ लाखांचें लुकसाण जालें.
खोब्रावाडो- कळंगूटे बर्याच व्हड आंब्याचो खांदो चार गाडयांचेर पडलो. हाका लागून सुमार १० लाखांचें लुकसाण जालें. हातूंत सेंट्रो गाडयेक बरेंच लुकसाण जालां. ही घडणूक बुधवारा सकाळीं ८.३० वरांचेर घडली.
पिळर्ण उजो पालोवपी दळाच्या जवानांनी सुमार ८ लाखांची मालमत्ता वाचयली. दळाचे उपअधिकारी सनी फायदे, विशाल पाटील, श्रीकांत सावंत, जितेंद्र बली, प्रल्हाद कोटकार, साईराज मांद्रेंकार आनी विदेश म्हापसेकार ह्या जवानांनी ह्या गाडयांवेलें झाड कापून कुशीक केलें.
उमतावाडो कळंगूटे व्हिन्सेंट परेरा हांच्या घराचें पांखें कोसळून ५ लाखांचें लुकसाण जालें. आयज सकाळीं ही घडणूक घडली. सेगीत पडपी पावसाक लागून जिरून आयिल्लें परेरा हांचें नळ्यांचें पांखें कोसळ्ळें. ह्या वेळार सगले कुटुंबांतले लोक भायले कुडींत आशिल्ल्यान वाटवले. कळंगूटे पंचायत तलाठींनी घडणुकेची पळोवणी करून पंचनामो केलो. मजगतीं, रेवोड्यां रोहीत फडते हांच्या घराचेर माड कोसळून लुकसाण जालें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
