बाबलो कामत हांची कूड कुमारजुंव्यां सांपडली

भांगरभूंय | प्रतिनिधी

दिवचल: विर्डी-सांखळे सावन आयतारा बेपत्ता जाल्लो बाबलो शिवा कामत हाची कूड आखाडा कुमारजुंवें हांगा न्हंयेच्या पात्रांत उफेतना दिसून आयली. ही कूड पोरणें गोंय पुलिसांनी ताब्यांत घेवन फुडले तपासणी खातीर बांबोळे धाडून दिल्या.

बाबलो कामत हाची दुचाकी सोमारा सकाळीं आमोणें पुला कुशीक दिसून आयिल्ल्यान ताणें पुला वयल्यान मांडवी न्हंयेंत उडी मारिल्ल्याचो दुबाव उक्तायिल्लो. पुलिसांनी उजो पालोवपी दळ आनी पाणबुड्यांच्या आदारान न्हंयेच्या पात्रांत सोद घेवपाचो यत्न केल्लो.

काल (मंगळारा) सांजवेळा 7 वरांचेर बाबलो कामत हांची कूड कुमारजुंव्या न्हंयेच्या पात्रांत उफेतना दिसून आयली. पुलिसांनी कूड ताब्यांत घेवन कुटुंबा कडल्यान वळख पटयली. कूड फुडले तपासणी खातीर बांबोळे धाडून दिल्या.