भांगरभूंय | प्रतिनिधी
पणजी, प्रतिनिधी : बाणस्तारी अपघातांत पुरावो नश्ट करपाच्या दुबावाक लागून अटक केल्ल्या अमित पालेकार हांकां सत्र न्यायालयान जामीन मंजूर केलो. ते फाल्यां आपलो मोबायल पुलिसांक सादर करतले. गुन्यांव फाट्यांत फाल्यां तांकां हाजेरी लावची पडटली.
बाणस्तारी अपघात प्रकरणांत डमी ड्रायव्हर धाडून पुरावो नश्ट केल्ल्या प्रकरणांत पालेकार हांकां बिरेस्तारा ३१ ऑगस्टाक अटक जाल्ली. तेच दिसा सांजे अंतरीम जामिनाचेर तांची सुटका जाल्ली.
बोगस चालक राजू लमाणी हाचीय जामिनाचेर सुटका जाल्या. बिरेस्तारा गुन्यांव फांट्यान ताका चवकशे खातीर आपयलो आनी उपरांत अटक केल्ली. बाणस्तारी पुला लागसारा ६ ऑगस्टाक मसिर्डीज गाडयेची धडक दुसरे गाडयेक तशेंच स्कुटरीक बसून तिगांक मरण आयिल्लें. ही गाडी परेश सांवर्डेकार चलयतालो काय घरकान्न मेघना सांवर्डेकार चलयताली हाचो तपास सुरू आसा.
अमित पालेकार हांचे अटकेक लागून विरोधी कॉंग्रेस तशेंच गोवा फॉरवर्ड पक्षान पुलिसांचेर टिका केल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
