भांगरभूंय | प्रतिनिधी
बांदोडकार रुप्या करंडाचें अनावरण
भांगरभूंय । प्रतिनिधी
फोंडेंः काशिमठ- बांदोडें हांका भाऊसाहेब बांदोडकार रुप्या करंडाचें अनावरण वीज मंत्री सुदिन ढवळीकार हांचे हस्तुंकी केले. 10 सप्टेंबराक जावपी फुटबॉल सर्तीच्या फायनलींत जैतिवंत थारपी पंगडाक व्हो घोळटो करंड दितले.
भाऊसाहेब बांदोडकार हांका लागून गोंयची सगळ्या मळार उदरगत जावपाक शकली. मगो पक्षा वतीन भाऊसाहेब बांदोडकार हांचे 50वे पुण्यतीथ निमतान खासा फुटबॉल सर्तीचें आयोजन केला. हे सर्तीक लागून गांवगिऱ्या वाठारांतल्या फुटबॉल खेळगड्यांक बरी संद मेळ्ळ्या अशें ढवळीकार हाणे सांगलें. करंड अनावरण कार्यावळीक मगो पक्षाचे भांडारी अनंत नायक, मिथील ढवळीकार, नरेश गावडे, जिल्हो पंचायत वांगडी गणपत नायक, दामोदर नायक, सरपंच सुखानंद कुर्पासकार, संकेत मुळे आनी हेर ग्रामस्थ हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
