भांगरभूंय | प्रतिनिधी
भांगरभूंय । प्रतिनिधी
वाळपयः भलायकी बरी दवोरपा खातीर दरेकल्यान आपल्या जेवण- खाणाचेर चड लक्ष दिवपाक जाय. जांका गोडे मुताचें दुयेंस आसा तांणी चड जनताय घेवून आहाराचेर नियंत्रण दवोरपाक जाय अशें वाळपयच्या सरकारी समाजीक हॉस्पिटलाची वैजकी अधिकारी डॉ पन्नी नायक हिणे सांगलें. नगरगांव उप भलायकी केंद्रांत आयोजीत केल्ले गोंडें मूत नियंत्रण आनी टीबी संबंदीचे जाग्रुताय कार्यावळींत ती उलयताली.
गोडें मूत आनी हेर दुयेंसांक सागून जीण नाकाशी जाता. दुयेंसा पसून पयर रावपा खातीर कालेतीक फावो तोच आहार घेवपाची गरज आसता. नेमान व्यायाम करपाक जा. दोतोर जो सल्लो दिता तो मानपाक जाय अशें डॉ नायक हिणे सांगून लोकांनी विचारल्ल्या प्रश्नांक जापो दिल्यो.
वाळपय सामाजीक हॉस्पिटला वतीन वेगवेगळ्या सुवातांनी भलायकी जाग्रुती शिबिरा आयोजीत करतात. ताचो फायदो घेवन लोकांनी आपली भलायकी बरी दवोरपा जाय अशें तांणी सांगले. कार्यावळीक हॉस्पिटलाचे संतोष गांवस, अस्मिता गांवकार आनी संगीता गांवस हाजीर आशिल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
