भांगरभूंय | प्रतिनिधी
फोंडें: बरकटें-मोल्यां काल (बिरेस्तारा) दनपारां परतून पुलीस आनी खण खात्याच्या अधिकाऱ्यांनी चिऱ्या खणीचेर धाड घालून दोन बंद स्थितींत आशिल्ले पावर ट्रिलर जप्त केले. बुधवारा उच्च न्यायालयान खण, पुलीस आनी प्रदुशण मंडळाच्या अधिकाऱ्यांचेर ताशेरे ओडले उपरांत बिरेस्तारा परतून अधिकाऱ्यांनी धाड घाली.
फाटल्या सोमारा खण खात्याच्या अधिकाऱ्यांनी पुलिसांच्या सहकार्यान धाड घालून एक पावर ट्रिलर मशीन जप्त करून अनवळख्यां आड गुन्यांव नोंद केल्लो. पूण बुधवारा उच्च न्यायालयान सरकारी अधिकाऱ्या आड ताशेरे ओडिल्ल्यान अधिकाऱ्यांनी बिरेस्तारा परतून कारवाय केली.
बिरेस्तारा पुलीस उपनिरिक्षक अजय धुरी, परेश सिनारी आनी खण खात्याचे जितेंद्र केळुस्कार आनी हेर अधिकारी हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.