भांगरभूंय | प्रतिनिधी
पणजी : गोंयच्यान लडाखाक बदली जाल्ले आयएएस अधिकारी संजित रॉड्रीगीस हांकां निमाणें ९ म्हयन्यां उपरांत राज्य सरकारान सेवेंतल्यान मुक्ते केलें. हाका लागून केंद्रीय गृह मंत्रालयाच्या आदेशा प्रमाण संजित रॉड्रीगीस हे आतां लडाख सरकाराचे सेवेंत दाखल जातले. हेर आयएएस अधिकार्यां सयत केंद्रीय गृह मंत्रालयान १२ सप्टेंबर २०२४ दिसा बदलीचो आदेश जारी केल्लो.
एकाच वेळार आयएएस संजित रॉड्रीगीस, प्रसाद लोलयेंकार आनी स्वेतिका सचन हांची गोंयच्यान अनुक्रमान लडाख, अंदमान निकोबार आनी दिल्लीक बदली जाल्ली. स्वेतिका सचन ही मुक्त जावन जायत्या म्हयन्यां आदीं दिल्ली सरकाराचे सेवेंत दाखल जाली. संजित रॉड्रीगीस आनी प्रसाद लोलयेंकार हांकां मात गोंय सरकारान सेवेंतल्यान मुक्त करूंक नाशिल्लें. संजित रॉड्रीगीस हांकां आयज सेवेंतल्यान मुक्त केलें. जाल्यार शिक्षण सचिव आशिल्ले प्रसाद लोलयेंकार हांकां अजून गोंय सरकारान मुक्त करूंक ना. मजगतीं, आदेशा प्रमाणे प्रसाद लोलयेंकार हांकां गोंय सरकारान सेवेंतल्यान मुक्त करचें ना जाल्यार तांची ज्येश्ठताय, वेतन आनी बढतीचेर फुडाराक परिणाम जावपाक शकता, असो आदेश गृह मंत्रालयान १६ मे २०२५ दिसा जारी केल्लो. उपरांत आतां सरकारान संजित रॉड्रीगीस हांकां सेवेंतल्यान मुक्त केले.
संजित रॉड्रीगीस हांकां सेवेंतल्या मुक्त केल्ल्यान इमेजीन पणजी स्मार्ट सीटीचे सीईओ आी वेवस्थापकीय संचालक पदार संदीप जॅकीस हांची नेमणूक केली. तीन आयएएस अधिकार्यांक नवीं खातीं दिवपी आदेश कार्मीक खात्यान जारी केला:
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
