बँक ऑफ महाराष्ट्राक एप्रील- जूनचे तिमाहींत वट्ट 452 कोटींचो फायदो

भांगरभूंय | प्रतिनिधी

भांगरभूंय । पत्रक
पणजीः एप्रील- जून हे तिमाहींत बँक ऑफ महाराष्ट्राक 452 कोटीचो फायदो जाला. स्टॅण्डलोन आदाराचेर बँकेचो निव्वळ फायदो 208 कोटी रुपयांचो आसा. कर्मचाऱ्यांचो बदल्यो आनी बडत्यो जावन लेगीत बँकेच्या अर्थीक वेव्हरांत वाड जावंन ह्या वर्साच्या पयल्या तिमाहींत बँकेच्या फायद्यांत 117.25 टक्क्यांनी वाड जाल्या अशी म्हायती बँकेचो वेवस्थापकीय संचालक आनी मुख्य कार्यकारी अधिकारी ए एस राजीव हांणी दिली. हाच्या फुडल्या तिमाहीन आमका हाचे परस चड प्रगतीची आस्त आसा अशें तांणी सांगलें.
2022च्या अर्थीक वर्साचे एप्रील तें जून हे पयले तिमाहींत बँकेचे निव्वळ कळंतर येणावळ 20 टक्क्यांनी वाडून ती 1,686 कोटीचेर पावल्या. पोरूंच्या अर्थीक वर्साच्या पयले तिमाहीत ती 1,406 कोटी आशिल्ली.  कळंतर मार्जिनात 3.05 वयल्यान 3.28 टक्के अशी सुदारणा जाल्या अशें राजीव हांणी सांगलें.
बँकेच्या मालमत्तेच्या गुणवत्तेत सुदारणा दिसून आयल्या आनी वट्ट नॉन-परफॉर्मिंग अॅसेट्स (जीएनपीए) 6.35 टक्क्यां वयल्यान 3.74 टक्क्यांचेर आयला. एनपीए लेगीत  2.22 टक्क्यां वयल्यान 0.88 टक्क्यांचेर देंवलां रिपोर्टिंग तिमाहीत पुनर्प्राप्ती आनी अपग्रेडेशन 388 कोटी रुपयाचें आशिल्लें. तशेच लेखी खात्यातल्यान बँकेन 130 कोटी रुपये वसूल केल्यात. 2023च्या आर्थीक वर्सांत  रोख वसुलीचें 3,000 कोटी रुपयांचे लक्ष्य आमी थारायलां. नॅशनल अॅसेट रिकन्स्ट्रक्शन कंपनी लिमिटेडांत हस्तांतरित करपाच्या बुडीत रिणाची वसुलीची आमी आस्त धरल्या अशें तांणी सांगलें. बाकीच्या तिमाहींत टियर 1 आनी 2त बाँड वरवीं 1 हजार कोटी एकठांय करपाची बँकेची मोख आसा अशेंय तांणी सांगलें.