भांगरभूंय | प्रतिनिधी
ओजस अजीत कवळेंकार चवकशे खातीर ताब्यांत
फोंडें: सांता क्रुझ फोंड्या पुलिसांनी बेकायदो रितीन सोऱ्याची येरादारी करपी मारुती मोटार सोऱ्या सयत जप्त केली. ह्या प्रकरणांत ओजस अजीत कवळेंकार हाका चवकशे खातीर पुलिसांनी ताब्यांत घेतला. जप्त केल्ल्या सोऱ्याचें मोल 25 हजार रुपया आसा. पुलीस ह्या प्रकरणांत अदीक तपास करतात.
फोंडें पुलिसांनी दिल्ले म्हायती प्रमाण जीए 01 एन 9272 क्रमांकाचे मारुती मोटारींतल्यान बेकायदो सोरो व्हरताले. ही खबर पुलिसांक मेळ्ळे उपरांत मोटारीची तपासणी करतकूच गरजेचीं कागदपत्रां सांपडली नात. ते खातीर मोटार चालकाक ताब्यांत घेवन अदीक चवकशी केली.
मोटारींतल्यान सुमार 25 हजार रुपया मोलाचो सोरो जप्त केला. पुलीस निरिक्षक विजयकुमार चोडणकार हांच्या मार्गदर्शना खाला उपनिरिक्षक परेश सिनारी आनी हेर पुलिसांनी कारवाय केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
