भांगरभूंय | प्रतिनिधी
फोंडें, प्रतिनिधी: फोंडेंच्या रफिक हांच्या फ्लॅटांत चोरी जाली. चोरांनी सुमार ५० हजार रुपयांचें भांगर चोरलें. फोंडें पुलिसांनी घडणुकेचो पंचनामो केला. निरीक्षक तुषार लोटलीकार हांच्या मार्गदर्शना खाला उपनिरीक्षक प्रगती नायक फुडलो तपास करतात.
मेळिल्ले म्हायती प्रमाण, बंद आशिल्ल्या फ्लॅटचें मुखेल दार उक्तें आशिल्ल्याचें आयतारा कळून आयलें. थळाव्यांनी रोखडेंच राज्या भायर आशिल्ल्या फ्लॅट धनयाक फोन करून हे विशीं म्हायती दिली. उपरांत फोंडें पुलिसांक म्हायती मेळटांच तांणी घडणुके सुवातेर वचून पंचनामो केलो. चोर फ्लॅटाच्या मुखेल दाराचें कुलूप तोडून भितर सरले. उपरांत आल्मारिंतलें सगळें सामान भायर काडलें आनी तातूंत आशिल्ल्यो भांगरा वस्ती आनी हेर रोख रक्कम चोरली. फ्लॅट धनी गोंयांत परतल्या उपरांत चोरून व्हेल्ल्या सामानाची म्हायती मेळ्ळी.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
