फोंडें पुलिसांनी सोरो पिवन मस्ती करप्यांचेर केली कारवाय

भांगरभूंय | प्रतिनिधी

फोंडें: फोंडें पुलिसांनी रातच्या वेळार रस्त्याचेर तशेंच रस्त्या कुशीक सोर्‍याचे धुंदींत बोवाळ करप्या आड कारवाय करपाचें सत्र सुरू केलां. सोमारा रातीं वयलो बाजार – फोंड्यां सोर्‍याचे धुंदींत मस्ती करपी काजी ब्रिज (४९, काझीवाडो – फोंडें), मुगुर साब (३४, नागझर- कुर्टी) आनी समीर इमाम सत्तगिरी (४२, बाबल्याखळी- कुर्टी) हांकां ताब्यांत घेतले.
हे विशीं चड म्हायती प्रमाण, फाटल्या शेनवारा फोंडें पुलिसांनी ५ जाणांक ताब्यांत घेतिल्ले. सोमारा रातीं फोंडें पुलीस निरीक्षक विजयनाथ कवळेंकार हांच्या मार्गदर्शना खाला सहाय्यक उपनिरीक्षक रघुनाथ गांवस हांणी कारवाय केली. फुडाराकूय अशीच कारवाय चालूच दवरतले अशी म्हायती पुलिसांनी दिली.