भांगरभूंय | प्रतिनिधी
14 ते 18 डिसेंबर मेरेन भरतली मांडवी न्हंये देगेर फेस्ताची फेरी
पणजी : पणजी चर्च फेस्त स्टॉलांच्या अर्जा खातीर म्हापालिके मुखार बरीच गर्दी जाली. गर्दीचेर नियंत्रण दवरपा खातीर पुलिसांक आपोवचे पडले. फेस्ताची फेरी 14 ते 18 डिसेंबर मेरेन चलतली.
पणजी चर्चीच्या फेस्ता निमतान मांडवी न्हंये कुशीक फेरी भरता. चर्च चौकांत परंपरीक दुकानां आसता. ते भायर मांडवी न्हंये कुशीक फेरी भरता. आयुर्वेदीक काँग्रेस आनी प्रधानमंत्री नरेंद्र मोदी हांचे भेटीक लागून ही फेरी फुडें धुकलपाचो निर्णय म्हापालिकेन घेतिल्लो. आतां ही फेरी 14 ते 18 डिसेंबर मेरेन भरतली. हे खेपे भलायकी खातें ते कला अकादमी मेरेन स्टॉल आसचे नात. येरादारीक आडखळ जावची न्हय, हे खातीर म्हापालिकेन हो निर्णय घेतला. फेरीबोट ते भलायकी खात्या मेरेन स्टॉल आसतले. स्टॉलाचे अर्ज म्हापालिकेंत दिवपाक सुरवात जातकच गर्दी जाली. खूब जाणाक अर्ज मेळ्ळे ना, हाका लागून बोवाळ जालो. हे खेपे स्टॉलांचो आकडो उणो केला. हाका लागून पोरूं स्टॉल घातिल्या कांय जाणाक अर्ज मेळूंक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
