भांगरभूंय | प्रतिनिधी
पणजीः देशांत स्वातंत्र्य दिसाचे आदले सांजेर 14 ऑगस्टाक फाळणी भिरांकूळ यादस्तीक दिसा निमतान साबार वाठारांनी कार्यावळी आयोजीत केल्ल्यो.
फाळणी दिसा निमतान सांजे वेळार उत्तर गोंयांत पणजी चर्च ते आझाद मैदान वाठारांत यादस्तीक दिसा निमतान मूक मोर्चो काडलो. तातूंत मुख्यमंत्री डॉ. प्रमोद सावंत, पर्यटन मंत्री रोहन खंवटे, महसूल मंत्री बाबूश मोंसेरात, पुलीस म्हासंचालक जसपाल सिंग, प्रदेशाध्यक्ष सदानंद तानावडे आनी हेर कार्यकर्त्यांनी वांटो घेतिल्लो. कसलीच घोशणा दिनासतना शांततायेन हो मूक मोर्चो काडिल्लो.
ह्या दिसा फाळणी जाल्ल्यान ह्या दिसाक अदीक म्हत्व आसा. ताचो उगडास म्हूण यागस्तीक दीस पाळ्ळो. पणजी बसस्टॅण्डार प्रदर्शन मांडलें. ताचें उक्तावण पुरातत्व मंत्री सुभाष फळदेसाय हांणी केलें.
बस स्टॅण्डार मांडिल्ल्या प्रदर्शनाच्या उक्तावणा वेळार गृह सचीव मेनिनो डिसोझा, संजीव गडकार, उत्तर गोंय जिल्होधिकारी मामू हागे हाजीर आशिल्ले. लोकां खातीर विशेश प्रदर्शन सरकारा वतीन पणजी आनी म्हापशेंच्या बसस्टॅण्डाचेर मांडलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
