भांगरभूंय | प्रतिनिधी
भांगरभूंय । प्रतिनिधी
केरी-सत्तरीः साखळी हांगच्याा आत्मोद्धार संच संचलीत प्रोग्रेस हायस्कुलाचो खेळा मेळावो आनी इनाम भेटवण कार्यावळ उमेदीन जाली. आंतरराष्ट्रीय बीच व्हॉलिबॉल खेळगडो राम कृष्णा धावस्कार ह्या वेळार मुखेल सोयरे म्हणून हाजीर आशिल्ले. माचयेर डॉ जयंत बुडकुले, वेवस्थापक शांताराम काणेकार, राजेंद्र शेट्ये, पालक-शिक्षक संघाचो अध्यक्ष नवनाथ सुर्लकार, साखळेचो नगराध्यक्ष राजेश सावळ, मुख्याध्यापिका सुरेखा देसाय आशिल्ली.
विद्यार्थ्यांनी तरेकवार कवायती सादर केल्यो. देशांतल्या वेगवेगळ्या राज्यांतले लोकनाच, दशभक्तीपर नाच विद्यार्थ्यांनी सादर केले. वेगवेगळ्या खेळां सर्तींत जैतिवंत जाल्ल्यांक तशेंच वर्सुकी परीक्षेंत बरे गुण घेतिल्ल्या विद्यार्थ्यांक मानेस्तांचे हस्तुकीं इनामां भेटयलीं.
साखळे वाठारांत खेळा मळार नांव जोडल्ल्या खेळगड्यांचो मानेस्तांनी भोवमान केलो. राम कृष्ण धावस्कारान विद्यार्थ्यांक मार्गदर्शन केलें. कार्यावळीचें सूत्रसंचालन संगीता पोकळे आनी दया प्रभू तेंडुलकारान केलें. शांताराम काणेकारान उपकार मानले. मेळावो येसस्वी करपा खातीर खेळा शिक्षक प्रसाद सुर्लकार आनी संकल्प पेडणेकारान परिश्रम घेतले. मेळाव्याक पालक व्हडा संख्येन हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.